| Nummer:haf212 | Datum: | Overlevering:Origineel | Vindplaats:H.A. Farmsum, inv.nr. 0838c, reg. 212 |
Wy Borgermeistere ende Raet in Groningen betugen myt dessen openen breve dat vor ons synt gekomen een deell der renteners de renten
hebben uut Peter Remenslagers huus mytter hoefstede ende synen tobehoer gelegen an de oester sydt in Heerstrate daer Henrick Vyncke
des goltsmedes huus naest by licht an de nordersydt ende Herman ten Pols huus an de suuder sydt Ende becroenden syck woe dat
huus vor de renten staende bleven dat se oer renten daer van nyet bekomen noch manen en konden Ende weren van ons stadt rechts
begerende Soe hebben wy dat huus up gelt gesat als up sestehalff hondert arnemsen gulden teyn onser stadt stuvers vor datum des breeffs
gemuntet offte payment dat daer guet vor is vor elken gulden gerekent. Ende hebben dat tot drien Soendagen over de kercken laten
kundigen by onser stadt knechten als dat gewoentlick is offte iemant de vorscr. summe daer vor geven wolde ende vernogen den oldesten rente
vurs. daer van na oeren breven jaerlix Soe is gekomen Johan Jarges de mederentener ende hevet daer vor geboden to geven
de vorscr. summe syne renten daer mede ingerekent de he uut den vorscr. huuse hevet Dat oeck soe tot dreen Soendagen by onser
knechten over de kercke gekundiget is offte daer jemant de summe offte mer vor geven wolde ende vernogen de vorscr. renteners daer
van als vorscr. is de wolde de Raet daer in Bevestigen inden he by den Raet queme bynnen der tyt de doe mede gekundiget woert
Alsdan daer nemant gekomen is by den Rade bynnen der selver tyt de daer soe vele offte mer vor geboden heefft to geven
van to doene als vorscr. is als Johan vorgen. gedaen hevet Soe wysen ende bevestigen wy Johannes vorscr. vor em ende wyne erffgenamen
inden vorscr. huuse ende hoefstede achter ende voer myt alle synen to behoer erffliken ende eweliken vry ende quyt to bruken ende to be
sitten myt allen rechte ende egendome up de vorscr. sestehalff hondert arnemsen gulden syne renten daer mede ingerekent ende den
oldesten renteners daer den jaerlix van to vernogen ende to betalen alse stadtrecht is na oeren breven Ende sullen van allen anderen
renteners ende ansprake ofte achterstallich onbelastet wesen sunder argelist. Dat Orkunde wy myt onser Stadt segell Ghegeven
inden jaer ons heren dusent vierhondert vyffendetnegentih op sunte Remigius avent. Doe Gharmet Allema, Roleff Ulger Her
man Lewe ende Tese Jarges Borgermeistere waeren onser Stadt.
hebben uut Peter Remenslagers huus mytter hoefstede ende synen tobehoer gelegen an de oester sydt in Heerstrate daer Henrick Vyncke
des goltsmedes huus naest by licht an de nordersydt ende Herman ten Pols huus an de suuder sydt Ende becroenden syck woe dat
huus vor de renten staende bleven dat se oer renten daer van nyet bekomen noch manen en konden Ende weren van ons stadt rechts
begerende Soe hebben wy dat huus up gelt gesat als up sestehalff hondert arnemsen gulden teyn onser stadt stuvers vor datum des breeffs
gemuntet offte payment dat daer guet vor is vor elken gulden gerekent. Ende hebben dat tot drien Soendagen over de kercken laten
kundigen by onser stadt knechten als dat gewoentlick is offte iemant de vorscr. summe daer vor geven wolde ende vernogen den oldesten rente
vurs. daer van na oeren breven jaerlix Soe is gekomen Johan Jarges de mederentener ende hevet daer vor geboden to geven
de vorscr. summe syne renten daer mede ingerekent de he uut den vorscr. huuse hevet Dat oeck soe tot dreen Soendagen by onser
knechten over de kercke gekundiget is offte daer jemant de summe offte mer vor geven wolde ende vernogen de vorscr. renteners daer
van als vorscr. is de wolde de Raet daer in Bevestigen inden he by den Raet queme bynnen der tyt de doe mede gekundiget woert
Alsdan daer nemant gekomen is by den Rade bynnen der selver tyt de daer soe vele offte mer vor geboden heefft to geven
van to doene als vorscr. is als Johan vorgen. gedaen hevet Soe wysen ende bevestigen wy Johannes vorscr. vor em ende wyne erffgenamen
inden vorscr. huuse ende hoefstede achter ende voer myt alle synen to behoer erffliken ende eweliken vry ende quyt to bruken ende to be
sitten myt allen rechte ende egendome up de vorscr. sestehalff hondert arnemsen gulden syne renten daer mede ingerekent ende den
oldesten renteners daer den jaerlix van to vernogen ende to betalen alse stadtrecht is na oeren breven Ende sullen van allen anderen
renteners ende ansprake ofte achterstallich onbelastet wesen sunder argelist. Dat Orkunde wy myt onser Stadt segell Ghegeven
inden jaer ons heren dusent vierhondert vyffendetnegentih op sunte Remigius avent. Doe Gharmet Allema, Roleff Ulger Her
man Lewe ende Tese Jarges Borgermeistere waeren onser Stadt.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0838c |
| Regestnr. | 212 |
| Jaar | 1495 |
| Datumcode | vRemigi |