| Nummer:haf228 | Datum: | Overlevering:Origineel | Vindplaats:H.A. Farmsum, inv.nr. 0008, reg. 228 |
Mello Tyackens borgher inden Damme doe kundt ende apenbaer erkenne mydt jegenwordigen breve voer allszwemen wo dat ick alle een entlick
ghekorn soensman in twyst schelonghe ende twydracht tusschen demen erbaren ende wallduchtigen Eggert Rypperda to Dyckhuesen unde Godtlinsze
hovetlinck etc. van wegen Peter Jewers an de enen unnde demen erbaeren ende duchtigenn Duetmer Renghers then Poste hovetlinck etc. an die
anderen syden wysende van anderhallff acker landes in Sloechter hollt belegen ende een lane daer de voers. parten langhe tydt twyspannijch omme
hebben ghewest ennde in rechte ghestaen hebbe de vers. schelonghe na den besten bescheyde doer geszeen mydt vlyte unnde daer van in vruntscappen
wthghesproken unverbroken to holldenn wandt de sake entlichen up my verbleven was Allso dat de erbaeren Duetmaer Rengers vorgenompt sall hebben
ewelicken ende arfflicken een hallff acker landes an de Oester syde daer em de ander hellffte van to behoerde up ende wth van Broexter meer in
de Ee Ennde Peter Jellers sall hebben den helen acker landes mydter lanen ewelicken ende arfflicken upp ende wth Broexster meer in de Ee behol
delich den ergenompten Peter dat hollt voer an staende up dat heem eens aff to houwen dan gheen eygeendoem des groendes van den voers.
heem to hebben vorder dan de acker ende lane wtgeleysen in orer zwetten Ende wes scade ennde besperenghe de ene den anderen in hollt tho houwen
torff to graven oder anders voer dussen daghe mach gedaen hebben sall dat ene tegens dat ander doet wesen Ock wes toerff daer nu ghegraven
is, sall de ene den anderen nicht verhinderen aff to voren unnde hyr mede sollen de vorgherorde parten van dusser upgemelter saken alynge ennde
all ghesleten wesen Des den ergedachten beyden parten allszus we vorsz is wall hevet belevet Sunder enych indracht ennde all argelist hyr weren
mede over ende aen alls dusse wtsprake gheschede de erbaeren ende duchtigen Gaspaer Heemster ende Meencke ghebroders inden Ham hovetl. unde Engelbert
Bartscherer alls een werdt Des tot warer Orkunde hebben wy Eggert Rypperda unde Duetmer Rengers hovetl. vorsz. unser beyder Inghe seghelle want uns desse
vors. wthsprake allsus belevet wytlichen an dussen brieff gehangen. Dusser wthsprakes breve synnen twe daer wy ellck een van hebben Gheg. Inndem
jaere unnszes Heren dusendt vijffhundert ende dre des dinxsdaghes na pinxsteren
[op de achterzijde:
1 1/2 akker lands in Slogter Holt 1503
verdrach Eggert Rypperda und Duitmar Rengers van lant tho Slochteren anno 1503
W. 15
doos No. 4 te landen
333]
ghekorn soensman in twyst schelonghe ende twydracht tusschen demen erbaren ende wallduchtigen Eggert Rypperda to Dyckhuesen unde Godtlinsze
hovetlinck etc. van wegen Peter Jewers an de enen unnde demen erbaeren ende duchtigenn Duetmer Renghers then Poste hovetlinck etc. an die
anderen syden wysende van anderhallff acker landes in Sloechter hollt belegen ende een lane daer de voers. parten langhe tydt twyspannijch omme
hebben ghewest ennde in rechte ghestaen hebbe de vers. schelonghe na den besten bescheyde doer geszeen mydt vlyte unnde daer van in vruntscappen
wthghesproken unverbroken to holldenn wandt de sake entlichen up my verbleven was Allso dat de erbaeren Duetmaer Rengers vorgenompt sall hebben
ewelicken ende arfflicken een hallff acker landes an de Oester syde daer em de ander hellffte van to behoerde up ende wth van Broexter meer in
de Ee Ennde Peter Jellers sall hebben den helen acker landes mydter lanen ewelicken ende arfflicken upp ende wth Broexster meer in de Ee behol
delich den ergenompten Peter dat hollt voer an staende up dat heem eens aff to houwen dan gheen eygeendoem des groendes van den voers.
heem to hebben vorder dan de acker ende lane wtgeleysen in orer zwetten Ende wes scade ennde besperenghe de ene den anderen in hollt tho houwen
torff to graven oder anders voer dussen daghe mach gedaen hebben sall dat ene tegens dat ander doet wesen Ock wes toerff daer nu ghegraven
is, sall de ene den anderen nicht verhinderen aff to voren unnde hyr mede sollen de vorgherorde parten van dusser upgemelter saken alynge ennde
all ghesleten wesen Des den ergedachten beyden parten allszus we vorsz is wall hevet belevet Sunder enych indracht ennde all argelist hyr weren
mede over ende aen alls dusse wtsprake gheschede de erbaeren ende duchtigen Gaspaer Heemster ende Meencke ghebroders inden Ham hovetl. unde Engelbert
Bartscherer alls een werdt Des tot warer Orkunde hebben wy Eggert Rypperda unde Duetmer Rengers hovetl. vorsz. unser beyder Inghe seghelle want uns desse
vors. wthsprake allsus belevet wytlichen an dussen brieff gehangen. Dusser wthsprakes breve synnen twe daer wy ellck een van hebben Gheg. Inndem
jaere unnszes Heren dusendt vijffhundert ende dre des dinxsdaghes na pinxsteren
[op de achterzijde:
1 1/2 akker lands in Slogter Holt 1503
verdrach Eggert Rypperda und Duitmar Rengers van lant tho Slochteren anno 1503
W. 15
doos No. 4 te landen
333]
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0008 |
| Regestnr. | 228 |
| Jaar | 1503 |
| Datumcode | MpPentec |