| Nummer:haf253 | Datum: | Overlevering:Origineel | Vindplaats:H.A. Farmsum, inv.nr. 0779, reg. 253 |
Inden jaer ons Heren dusent vyffhundert ende negen up Sunte Jacobs avent apostoli is ene vrentlike erfscheydinge ghemaket tusschen
Lueert Hinrick ende Teze Kather ghebroderen hoefftlingen to ffraeme inden karspel to Huusdinge ende to schultinge inden kaerspel to Bedum
voer oer ende oren erffgen. ewlick ende arfflick onverbroken to holden in maneren hijr na bescreven inden eersten is Luert Kather toe scheydinge
ghevallen tweendetwintich grasse landes to Adorp gelegen de Jacob Hilbrandes nu bruket bet sessende dartich grasse landes to Eppinghe
huusen de Eme Peters nu inde hure hevet vijffende tnegentich grasse landes Powte heert gheheten gelegen inden karspel to Bedum
bet drieende dartichste halff lutke hundert landes ghelegen binnen dijkes ende daryn koe weyde buten dykes daer van negen sint gelegen
inde myddelste koe venne twe inde westerste ende twe inde oester koe venne drie manne matt egen deel in doengedeel bet sess manne
matt egen deel in reminge deel bet vier volgers alle up Wthuuser meden ghelegen de Albert Lyppe Wyers soen nu ter tyd gehuert
hevet daer en tegen is Hinrick Kather ter scheydinge ghevallen den heert to schultinge hundert grasse ende darde halff grasse landes
daer meren venne mede in gherekent is mit alle den huusinge de daer up staen so de ghelegen syn daer to de heert upt westen daer
naest by gelegen vyffendetsoventich grasse groet daer Thewes Dercksz up plach to woenen Item bet een heert to Ellerde husen vyfftich grasse
groet daer Vrederick up plach to woenen Desse drie heerden syn ghelegen inder karspel to Bedum bet up Warffummer wterdyck
vier scapes grasse daer en tegen is Teso Kater ghevallen ter scheydinge een heert inden karspel to Bedum by der capellen toe
nyen ee vyfftich grasse groet daer Azinge nu up woent bet in dat selve karspel een heert vyfftich grasse groet daer Obele up plach
to woenen bet inden selven karspel over Karninger maer een heert twintich grasse groet daer dorch Reyntyens up plach to woenen bet
twyntich jucke landes in Petersburen daer menschen Hinrick up plach to woenen bet tweende viertichste halff grass landes to Eppinge huusen
daer is mede ingherekent soven lutke hundert landes heer gekomen van oer salige moye vrou Blyke to Ffraeme mylder gedachten
de Wilte nu ter tyt bruket ende Hinrick Kather van Johan Tedema ghewisselt hevet bet soven grasse landes by Groningen an die
Jacopyner wech ghelegen ende drieende twyntichste halff grase landes to Stedum de Evert plach to bruken welke soven grase ende drieendetwyntichste halff
grass mit de soven lutke hundert alle vorg. Hinrick wt syn salige vaders guederen em an ghekomen Hinrick vorgh. sinen broder Tesen voerg. tot
verguedinge syns vors. guederen overgegeven ende erfflick hyr mede vry up ghedragen heft des sal elk van den vors. broders ende oeren erffgen. syne
landen erven ende guederen de em hyr mede ter scheydinge ghevallen syn mit alle synen to behore vry ende quijt onbelastet van enigen renten
ten were dat he se selven belastet hadde wtgenomen de rechtinge ende heerlicheyde de up alle der drier broderen erven vallen beyde van oers vaders
ende moders guederen bliven noch by den broderen eer ghemelt ende oeren erffgen. onverscheyden ghelyck to behorende wes ter tyd se de scheydende
worden ende ghebreke emant van synen lande den schaden sullen se ghelike dragen ende malkanderen guedlick elk syn andiel versetten wt
ghesundert dat Hinrick Kater ende syne erffgen. sullen allene Teso Kater ende syn erffgen. vry waerschop ende leveringe doen van den vorg.
landen van oers vaders wegen heer gekomen de Hinrick voergemelt synen broder Teso vors. tot verguedinge deser landscheydinge up
ghedragen ende overgegeven heft alse voer in desen selven breff ghes. staet des sal Hinrick vorg. elk van synen broderen vors. ofte oer erffgen.
voer oer part van alle de husinge de nu up den heert to schultinge vorg. staen twe hundert hartoch Philippus gulden oft. vijffendetwintich Groninger
stuvers voer data van desen lest gemuntet voer elken Philippus gulden to twen termynen to betalen to weten de eerste termyn Sunte Jacobs
avent inden jaer van teyne elk broder hondert hartoch Philippus gulden ende Sunte Jacobs avent inden jaer van elven alle eerst komende elk broder
hundert Philippus gulden ende in gheval de betalinge up sulke beroerde termynen so niet en gheschiege so sal elk broder alse Luert ende Teso des oers
ten dages na de verlopen termynen van elke hundert hartoch Philippus gulden sess Philippus gulden verschenen wesen ende dan voert alle jaer alse ghe
koste renten voert gaen ende verschinen ende also voert to waren de men dan ock jaerlix sal mogen vry schadeloes mit botbreven oftt anders
mit wat rechte Luert ende Teso vorg. offt. oer erffgen. des belevet manen ende boren wt de vorg. erven ende guederen de Hinrick Kater vors. hyr
mede ter scheydinge gevallen syn ende ock wt der sulfter guederen van syns vader wegen na luden der scheydes breven em ghevallen sint alle soe
lange wes Hinrick vake ghenoemt offt. syn erffgen. dese renten so se sullen mogen doen tot oer behagen mit hundert Philippus gulden ende mit der
vuller renten van elk hundert Philippus gulden verschenen sess Philippus gulden rente aff vry ende quyt kopen des sal dat beslagen hooren bliven by den
huuse sunder ander verset daer voer des tot orkunde want wy Hermen Klant ende Eltet to Lellens dat ghededinget hebben by vulle consent deser
vorg. broderen hebbe ick Hermen Klant vors. myn segel beneden an dessen breff ghehangen daer my Eltet to Lellens vorg. wal angenoget want
ick noch ter tyd selven gheen segel en ghebruke so tot mere vestenisse vulbort ende consent van desen hebben wy Luert ende Teso Kater gebroders onse
segele ock an dessen breff ghehangen ende so leyder Hinrick Kater na desen handel ende voer deser segularen na schicknisse des alweldighen
Godes wt der tyd gegaen is heb ick Wyert Katers wedue Hinrick Katers milder gedachten van mynre ende mynre kindere wegen daer ick voer
love dese scheydinge in macht ende van weerden to holden ghebeden den erbaren mynen leven broder Wigbolt Lewe desen breff mede to besegelen
dat ick Wigbolt omme bede wille der erbaer mynre lever suster vors. gheerne hebbe gedaen Inden jaer dusent vyffhundert ende elven up sunte
Bartolomeus avent.
[op de achterzijde:
scheidbrief tusschen Luirt Hindrik en Teeze Kater over landen etc.
1511
De twalleff Philippus renten angaende Luwert Kater saliger unde syne arffg. synen affgelosset myt den principael unde wulle renten na inholt des breves dorch den erent vesten Geert Yselmuden unde juncker Iohan van Ewsum anno den xvc unde xxxvii up avende Iacobi Apostoli.
Regtoch Freng
Eltet toe Lellens t.P.]
Lueert Hinrick ende Teze Kather ghebroderen hoefftlingen to ffraeme inden karspel to Huusdinge ende to schultinge inden kaerspel to Bedum
voer oer ende oren erffgen. ewlick ende arfflick onverbroken to holden in maneren hijr na bescreven inden eersten is Luert Kather toe scheydinge
ghevallen tweendetwintich grasse landes to Adorp gelegen de Jacob Hilbrandes nu bruket bet sessende dartich grasse landes to Eppinghe
huusen de Eme Peters nu inde hure hevet vijffende tnegentich grasse landes Powte heert gheheten gelegen inden karspel to Bedum
bet drieende dartichste halff lutke hundert landes ghelegen binnen dijkes ende daryn koe weyde buten dykes daer van negen sint gelegen
inde myddelste koe venne twe inde westerste ende twe inde oester koe venne drie manne matt egen deel in doengedeel bet sess manne
matt egen deel in reminge deel bet vier volgers alle up Wthuuser meden ghelegen de Albert Lyppe Wyers soen nu ter tyd gehuert
hevet daer en tegen is Hinrick Kather ter scheydinge ghevallen den heert to schultinge hundert grasse ende darde halff grasse landes
daer meren venne mede in gherekent is mit alle den huusinge de daer up staen so de ghelegen syn daer to de heert upt westen daer
naest by gelegen vyffendetsoventich grasse groet daer Thewes Dercksz up plach to woenen Item bet een heert to Ellerde husen vyfftich grasse
groet daer Vrederick up plach to woenen Desse drie heerden syn ghelegen inder karspel to Bedum bet up Warffummer wterdyck
vier scapes grasse daer en tegen is Teso Kater ghevallen ter scheydinge een heert inden karspel to Bedum by der capellen toe
nyen ee vyfftich grasse groet daer Azinge nu up woent bet in dat selve karspel een heert vyfftich grasse groet daer Obele up plach
to woenen bet inden selven karspel over Karninger maer een heert twintich grasse groet daer dorch Reyntyens up plach to woenen bet
twyntich jucke landes in Petersburen daer menschen Hinrick up plach to woenen bet tweende viertichste halff grass landes to Eppinge huusen
daer is mede ingherekent soven lutke hundert landes heer gekomen van oer salige moye vrou Blyke to Ffraeme mylder gedachten
de Wilte nu ter tyt bruket ende Hinrick Kather van Johan Tedema ghewisselt hevet bet soven grasse landes by Groningen an die
Jacopyner wech ghelegen ende drieende twyntichste halff grase landes to Stedum de Evert plach to bruken welke soven grase ende drieendetwyntichste halff
grass mit de soven lutke hundert alle vorg. Hinrick wt syn salige vaders guederen em an ghekomen Hinrick vorgh. sinen broder Tesen voerg. tot
verguedinge syns vors. guederen overgegeven ende erfflick hyr mede vry up ghedragen heft des sal elk van den vors. broders ende oeren erffgen. syne
landen erven ende guederen de em hyr mede ter scheydinge ghevallen syn mit alle synen to behore vry ende quijt onbelastet van enigen renten
ten were dat he se selven belastet hadde wtgenomen de rechtinge ende heerlicheyde de up alle der drier broderen erven vallen beyde van oers vaders
ende moders guederen bliven noch by den broderen eer ghemelt ende oeren erffgen. onverscheyden ghelyck to behorende wes ter tyd se de scheydende
worden ende ghebreke emant van synen lande den schaden sullen se ghelike dragen ende malkanderen guedlick elk syn andiel versetten wt
ghesundert dat Hinrick Kater ende syne erffgen. sullen allene Teso Kater ende syn erffgen. vry waerschop ende leveringe doen van den vorg.
landen van oers vaders wegen heer gekomen de Hinrick voergemelt synen broder Teso vors. tot verguedinge deser landscheydinge up
ghedragen ende overgegeven heft alse voer in desen selven breff ghes. staet des sal Hinrick vorg. elk van synen broderen vors. ofte oer erffgen.
voer oer part van alle de husinge de nu up den heert to schultinge vorg. staen twe hundert hartoch Philippus gulden oft. vijffendetwintich Groninger
stuvers voer data van desen lest gemuntet voer elken Philippus gulden to twen termynen to betalen to weten de eerste termyn Sunte Jacobs
avent inden jaer van teyne elk broder hondert hartoch Philippus gulden ende Sunte Jacobs avent inden jaer van elven alle eerst komende elk broder
hundert Philippus gulden ende in gheval de betalinge up sulke beroerde termynen so niet en gheschiege so sal elk broder alse Luert ende Teso des oers
ten dages na de verlopen termynen van elke hundert hartoch Philippus gulden sess Philippus gulden verschenen wesen ende dan voert alle jaer alse ghe
koste renten voert gaen ende verschinen ende also voert to waren de men dan ock jaerlix sal mogen vry schadeloes mit botbreven oftt anders
mit wat rechte Luert ende Teso vorg. offt. oer erffgen. des belevet manen ende boren wt de vorg. erven ende guederen de Hinrick Kater vors. hyr
mede ter scheydinge gevallen syn ende ock wt der sulfter guederen van syns vader wegen na luden der scheydes breven em ghevallen sint alle soe
lange wes Hinrick vake ghenoemt offt. syn erffgen. dese renten so se sullen mogen doen tot oer behagen mit hundert Philippus gulden ende mit der
vuller renten van elk hundert Philippus gulden verschenen sess Philippus gulden rente aff vry ende quyt kopen des sal dat beslagen hooren bliven by den
huuse sunder ander verset daer voer des tot orkunde want wy Hermen Klant ende Eltet to Lellens dat ghededinget hebben by vulle consent deser
vorg. broderen hebbe ick Hermen Klant vors. myn segel beneden an dessen breff ghehangen daer my Eltet to Lellens vorg. wal angenoget want
ick noch ter tyd selven gheen segel en ghebruke so tot mere vestenisse vulbort ende consent van desen hebben wy Luert ende Teso Kater gebroders onse
segele ock an dessen breff ghehangen ende so leyder Hinrick Kater na desen handel ende voer deser segularen na schicknisse des alweldighen
Godes wt der tyd gegaen is heb ick Wyert Katers wedue Hinrick Katers milder gedachten van mynre ende mynre kindere wegen daer ick voer
love dese scheydinge in macht ende van weerden to holden ghebeden den erbaren mynen leven broder Wigbolt Lewe desen breff mede to besegelen
dat ick Wigbolt omme bede wille der erbaer mynre lever suster vors. gheerne hebbe gedaen Inden jaer dusent vyffhundert ende elven up sunte
Bartolomeus avent.
[op de achterzijde:
scheidbrief tusschen Luirt Hindrik en Teeze Kater over landen etc.
1511
De twalleff Philippus renten angaende Luwert Kater saliger unde syne arffg. synen affgelosset myt den principael unde wulle renten na inholt des breves dorch den erent vesten Geert Yselmuden unde juncker Iohan van Ewsum anno den xvc unde xxxvii up avende Iacobi Apostoli.
Regtoch Freng
Eltet toe Lellens t.P.]
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0779 |
| Regestnr. | 253 |
| Jaar | 1511 |
| Datumcode | vBartho |