Gotfridus Curet tho Wittewerum bekenne dat voer my sint gekomen Evert Scroer und Gele
syn echte husfrowe myne kerspell luede Bywe Hillens und Heebke eer swagher, woenende thoe
Oldensyll bekanden samptlike und itlick besonder dat sie hebben gegeven gegunt und thoe
ghestaen geven ghunnen und thoestaen voer em und eeren erfgenamen Demen Erberen Johan
Rengher vanden Poste hoeftling Juffer Jutten syner husfrowen und eeren erfgenamen sodane
Rechtinge und heerlicheide Redgerechte und lanckrechte van eeren Eddelen heerde sie in
Poster Clouwe liggende hebben die em van saligen Tyarck Eenekens eeren broeder angeervet
is und alle eeren vryen willen daer mede tho doene omme sunderlinge frunscap und waldaet
Johann Rengher verscreven an uns bewesen heft und noch namaels bewisen mach alle ergelist
und dye vonde uuutgesproeken In oerkonde heeb ick Gotfridus Curet verscreven myn amptessegel
omme bede wille Evertz Gelen Bywen Heebkens verscreven beneden andissen breeff gehangen
inden jaere unses heeren dusent vyfhondert und Elvene des dinxdages nae Bertolomei Apostoli.
Zegel beschadigd

x

x

Archief	Groninger Archieven
Fonds	H.A. Farmsum
Toegangsnummer	619
Inventarisnr.	0011
Regestnr.	254
Jaar	1511
Datumcode	MpBartho

x

x

x

Materiaal	perkament