| Nummer:haf257 | Datum: | Overlevering:Origineel | Vindplaats:H.A. Farmsum, inv.nr. 0275, reg. 257 |
Heer Herman van Emlichem kelder to Essen Waelke van Reyde Otto Bruninck Allert Fockens gekoeren soenslude und overmans Eynes
koepeshalven eerdaghes tuschen den Erbaeren Detmer Renghers und Johan Renghers hoefflingen vanden huese erve und guede Them Poste
gelegen heerkoemende gescheen was itliche schelingen und twijste erresen syn welck hues erve und guet vorscr. Detmer Renghers synen neven Johan Renghers
eynen marckliken penninck geloevet hadde. Soe hefft Johan Renghers voergenomen dat Detmer Renghers em dat guet vorscr. umme dattet tuschen den frunden
gelegen ys Wolde heet emm hondert golden gulden myn geven dan dat yemant anders van solde moegen koepen und dess halven ouck handlinge myt em
hadde gehat daert billix solde moeten by bliven etc. Soe hebben wy seggeslude vorscr. desse und meer ander schelingen van beiden parten uns voergeholden
nu to lanck syn to schriven die saecke stede und vast an uns genomen und een entlicke soene und uutsprake in maten und maneren nabescreven gemaket und uut-
gesproken Soe dat Johan Renghers sal hebben van Detmer Renghers dat erve Them Poste Oldenhues geheeten mytten Bouhusen stenen heynungen grafften singelen
Appelhoeven die Roevencamp achter den hoeve und dat Campken byden Crummenesch myt sylrechten kerckstoelen und alle synen to behoer unde daer to hondert
grass landes. Item dat lant dat Hynrick Ridder nu bruket veerundevyfftich grase der Crummenesch voer sesteyn grase die Gevelvenne voer elven grase
de venne by Wymken hues voer veer grass veerdehalff forlinck weertlandes up Dellenser weerde by Habelama hues voer dubbelt gerekent und teyn
deymet meetlandes up Oldersummer meeden gelegen wes disse lands vorscr. myn syn dan hondert grase sal Detmer Renghers untfallen. Soe sal n den
eerste soedane gyfte und gave als Johan Renghers voergenomen heefft dat Detmer Rengher Renghers em gegeven und to guede gescholden heefft
dat guet vorscr. hondert golden gulden myn to hebben dan dat jemant anders van emm solde moegen koepen. Dat ouck Detmer Renghers nycht heefft versaket
indermacht und van weerden bliven. Ouck sal de schult als sich Johan Renghers beclaget voer syn anpart tachteren to wesen van Detmer Renghers
vaders wegen heerkoemende als by namen anderhalff hondert golden gulden in dissen koepe gekortet und aff gerekent wesen. Daer to sal Johan
Renghers Detmer Renghers vernoegen und betalen achteyn hondert golden gulden twe hoerngolden gulden voerden golden gulden gerekent offte payment dat daer
guet voer ys inder tyt der betalynge und novh daer to vyfftich hoerngolden gulden binnen dreen jaeren to betalen und syn suster to Essen seven ellen leyde
sches laeckens und wes Johan Renghers an dysser summen vorscr. voer midwynter naest-koemende offte veertheyn dage na unbehaelt kan betalen
sal he elken golden gulden vorscr. myt vyfuntwentich Groniger stuver moegen betalen und sal daer gene Rente van geven und wes dan ouck nycht betaelt
wort daer sal Johan Renghers voer elck hondert gulden sses gulden Renten jaerlix des Paeschens daer na negestkoemende paymentes vorscr. voernoegen
und betalen und dan voert alle jaere wanneer Johan Renghers belevet und best van staden ys mach he elcks jaers hondert gulden off twe hondert
gulden off loesen und myt elck hondert gulden sses gulden Renten vry und quyt koepen. Sunder all argelyst des Detmer Renghers und Johan Renghers
vorscr. malkander geloevet hebben bynnen jaers koep breve und Rente breve an beyden syden vorder wyssheit to geven gededynget und uut
gesproeken am avende Marie Purificationis Anno vyfteynhondert und twelvene. Disser Cedelen syn twe myt eyner hant geschreven uut
een ander gesneden durch den litteren A B C D. und umme meer vesstenisse
hebben wy Detmer Renghers
und Johan Renghers beide
unse seignetten upt spacium
desser sedelen gedrucket.
koepeshalven eerdaghes tuschen den Erbaeren Detmer Renghers und Johan Renghers hoefflingen vanden huese erve und guede Them Poste
gelegen heerkoemende gescheen was itliche schelingen und twijste erresen syn welck hues erve und guet vorscr. Detmer Renghers synen neven Johan Renghers
eynen marckliken penninck geloevet hadde. Soe hefft Johan Renghers voergenomen dat Detmer Renghers em dat guet vorscr. umme dattet tuschen den frunden
gelegen ys Wolde heet emm hondert golden gulden myn geven dan dat yemant anders van solde moegen koepen und dess halven ouck handlinge myt em
hadde gehat daert billix solde moeten by bliven etc. Soe hebben wy seggeslude vorscr. desse und meer ander schelingen van beiden parten uns voergeholden
nu to lanck syn to schriven die saecke stede und vast an uns genomen und een entlicke soene und uutsprake in maten und maneren nabescreven gemaket und uut-
gesproken Soe dat Johan Renghers sal hebben van Detmer Renghers dat erve Them Poste Oldenhues geheeten mytten Bouhusen stenen heynungen grafften singelen
Appelhoeven die Roevencamp achter den hoeve und dat Campken byden Crummenesch myt sylrechten kerckstoelen und alle synen to behoer unde daer to hondert
grass landes. Item dat lant dat Hynrick Ridder nu bruket veerundevyfftich grase der Crummenesch voer sesteyn grase die Gevelvenne voer elven grase
de venne by Wymken hues voer veer grass veerdehalff forlinck weertlandes up Dellenser weerde by Habelama hues voer dubbelt gerekent und teyn
deymet meetlandes up Oldersummer meeden gelegen wes disse lands vorscr. myn syn dan hondert grase sal Detmer Renghers untfallen. Soe sal n den
eerste soedane gyfte und gave als Johan Renghers voergenomen heefft dat Detmer Rengher Renghers em gegeven und to guede gescholden heefft
dat guet vorscr. hondert golden gulden myn to hebben dan dat jemant anders van emm solde moegen koepen. Dat ouck Detmer Renghers nycht heefft versaket
indermacht und van weerden bliven. Ouck sal de schult als sich Johan Renghers beclaget voer syn anpart tachteren to wesen van Detmer Renghers
vaders wegen heerkoemende als by namen anderhalff hondert golden gulden in dissen koepe gekortet und aff gerekent wesen. Daer to sal Johan
Renghers Detmer Renghers vernoegen und betalen achteyn hondert golden gulden twe hoerngolden gulden voerden golden gulden gerekent offte payment dat daer
guet voer ys inder tyt der betalynge und novh daer to vyfftich hoerngolden gulden binnen dreen jaeren to betalen und syn suster to Essen seven ellen leyde
sches laeckens und wes Johan Renghers an dysser summen vorscr. voer midwynter naest-koemende offte veertheyn dage na unbehaelt kan betalen
sal he elken golden gulden vorscr. myt vyfuntwentich Groniger stuver moegen betalen und sal daer gene Rente van geven und wes dan ouck nycht betaelt
wort daer sal Johan Renghers voer elck hondert gulden sses gulden Renten jaerlix des Paeschens daer na negestkoemende paymentes vorscr. voernoegen
und betalen und dan voert alle jaere wanneer Johan Renghers belevet und best van staden ys mach he elcks jaers hondert gulden off twe hondert
gulden off loesen und myt elck hondert gulden sses gulden Renten vry und quyt koepen. Sunder all argelyst des Detmer Renghers und Johan Renghers
vorscr. malkander geloevet hebben bynnen jaers koep breve und Rente breve an beyden syden vorder wyssheit to geven gededynget und uut
gesproeken am avende Marie Purificationis Anno vyfteynhondert und twelvene. Disser Cedelen syn twe myt eyner hant geschreven uut
een ander gesneden durch den litteren A B C D. und umme meer vesstenisse
hebben wy Detmer Renghers
und Johan Renghers beide
unse seignetten upt spacium
desser sedelen gedrucket.
Geen afbeelding beschikbaar.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0275 |
| Regestnr. | 257 |
| Jaar | 1512 |
| Datumcode | vPurMar |