| Nummer:haf282 | Datum: | Overlevering:Origineel | Vindplaats:H.A. Farmsum, inv.nr. 0836w, reg. 282 |
Cornelius van Leten pastoer toe Tyamsweer bekenne ende betughe mit dessen openen trans fixbreve dat voer my synt ghekomen Omptge
ende Sybrant gebroeders Oest Luwema soenen toe Uuthusen ende bekenden dat se mit vryen willen voer em unde oren arffgenamen hebben
verkoff upgedragen ende overgheven eweliek unde arffliek Thomas Hilbrans ende Marryken synen echten wyve ende oren arffgenamen
dre grase landes ghelegen in Olinger hammerick in eenre venne van ses grase groet gheheten int Hertendeel beswettet als de princi
pael breeff begrepen heft Voer ene summe gheldes als dreendetwintich philips gulden de Omptge unde Sybrant voerscr, bekenden dat em vol
de eerste penninck mitten lesten wal betaelt is Hier umme hebben se upgedragen unde overgheven in macht desses breves voer
em unde oren arffghenamen desse voerscr. dree grase landes toe allen tyden vry toe leveren unde toe waren voer alle ansprake Thomas unde
Marryken vorscr. unde oren arffgenamen all oren vryen willen daer mede toe doen unbespeert in allen rechten unde van alswemen
Alle argelist uutghesproken Hier synt mede by an unde over ghewest tughe daer toe gheropen unde ghebeden Herman Eltekens
unde Johan Peters toe Garreweer To orkunde der waerheyt unde um bede Omptgens unde Sybrans so als dit lant in mynen
kerspel gheleghen is hebbe Ick Cornelius upgenomt myn Segel witliken beneden an dessen transfixbreve ghehangen Gheven
Inden Jare uns heren dusent vyffhondert unde twyntich des wondesdages na paesschen.
ende Sybrant gebroeders Oest Luwema soenen toe Uuthusen ende bekenden dat se mit vryen willen voer em unde oren arffgenamen hebben
verkoff upgedragen ende overgheven eweliek unde arffliek Thomas Hilbrans ende Marryken synen echten wyve ende oren arffgenamen
dre grase landes ghelegen in Olinger hammerick in eenre venne van ses grase groet gheheten int Hertendeel beswettet als de princi
pael breeff begrepen heft Voer ene summe gheldes als dreendetwintich philips gulden de Omptge unde Sybrant voerscr, bekenden dat em vol
de eerste penninck mitten lesten wal betaelt is Hier umme hebben se upgedragen unde overgheven in macht desses breves voer
em unde oren arffghenamen desse voerscr. dree grase landes toe allen tyden vry toe leveren unde toe waren voer alle ansprake Thomas unde
Marryken vorscr. unde oren arffgenamen all oren vryen willen daer mede toe doen unbespeert in allen rechten unde van alswemen
Alle argelist uutghesproken Hier synt mede by an unde over ghewest tughe daer toe gheropen unde ghebeden Herman Eltekens
unde Johan Peters toe Garreweer To orkunde der waerheyt unde um bede Omptgens unde Sybrans so als dit lant in mynen
kerspel gheleghen is hebbe Ick Cornelius upgenomt myn Segel witliken beneden an dessen transfixbreve ghehangen Gheven
Inden Jare uns heren dusent vyffhondert unde twyntich des wondesdages na paesschen.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0836w |
| Regestnr. | 282 |
| Jaar | 1520 |
| Datumcode | EpPasche |