| Nummer:han017a | Datum:1521 | Overlevering: | Vindplaats:H.A. Nienoord, inv.nr. 17 |
Wij borghemestere ende raidt in Groningen betuegen mit dessen openen breve dat voir ons sint gekomen Sicke Ottemma up
Grotegast, voermundt, Willem Frericks ende Roleff in de Venne up de Rugewaert alse voegeden ende voermunders tot Tyaert, Wye Rosema kin-
des kint ende bekanden samptlick vanwegen des kindes ende sinen erfg. dat se hebben vorcoft, upgedragen ende overgegeven den pater ende mi-
nistersche ende gemenen susteren ende oeren nacomelingen des Olden Conventz bynnen onser stadt Groningen, geheten ten Geestliken Mageden,
veertyn ackeren landes myt een heem, holt ende mit allen tobehoeren als de gelegen sint up de Hair in Marummer karspel in Vredewolt
streckende sick suydewart an Sygers Woldema ryt ende nortwert an de Monnike Posten, dair dat vors. conventz lant naest bij licht up de
oesterzijdt ende des cloesters van Trimunte lant up de westerzijde, vrij ende quijt, erfliken ende eweliken to brueken ende t'besitten ende oeren vrij-
en wyllen dairmede to doene. Oick loven Sicke, Willem ende Roleff vorg. voir hem ende oeren erfg. oft een voir em allen de vors.
veertyn ackeren landes mitten heem den vors. convente ende oeren nacomelingen vrij to waren voir alle ansprake voir ene summe geldes
de Sicko, Willem ende Roleff vorg. bekanden hen tot behoeff vors. kindes vul ende al is betaelt. Sunder argelist. Dat orkunde
wij mit unser stadt segell. Gegeven in den jare ons Heren dusent vijffhundert ende eenendetwintich, dinxdages na Martini episcopi
in den winter, do Coert Coenrades, Roleff Huynge, Lubbert Clant ende Clawes Scaffer borgemestere weren onser Stadt.
Grotegast, voermundt, Willem Frericks ende Roleff in de Venne up de Rugewaert alse voegeden ende voermunders tot Tyaert, Wye Rosema kin-
des kint ende bekanden samptlick vanwegen des kindes ende sinen erfg. dat se hebben vorcoft, upgedragen ende overgegeven den pater ende mi-
nistersche ende gemenen susteren ende oeren nacomelingen des Olden Conventz bynnen onser stadt Groningen, geheten ten Geestliken Mageden,
veertyn ackeren landes myt een heem, holt ende mit allen tobehoeren als de gelegen sint up de Hair in Marummer karspel in Vredewolt
streckende sick suydewart an Sygers Woldema ryt ende nortwert an de Monnike Posten, dair dat vors. conventz lant naest bij licht up de
oesterzijdt ende des cloesters van Trimunte lant up de westerzijde, vrij ende quijt, erfliken ende eweliken to brueken ende t'besitten ende oeren vrij-
en wyllen dairmede to doene. Oick loven Sicke, Willem ende Roleff vorg. voir hem ende oeren erfg. oft een voir em allen de vors.
veertyn ackeren landes mitten heem den vors. convente ende oeren nacomelingen vrij to waren voir alle ansprake voir ene summe geldes
de Sicko, Willem ende Roleff vorg. bekanden hen tot behoeff vors. kindes vul ende al is betaelt. Sunder argelist. Dat orkunde
wij mit unser stadt segell. Gegeven in den jare ons Heren dusent vijffhundert ende eenendetwintich, dinxdages na Martini episcopi
in den winter, do Coert Coenrades, Roleff Huynge, Lubbert Clant ende Clawes Scaffer borgemestere weren onser Stadt.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 17 |
| Jaar | 1521 |
| Datumcode | MpMartin |