| Nummer:han025a | Datum:17 april 1531 | Overlevering: | Vindplaats:H.A. Nienoord, inv.nr. 0025a |
Brief d.d. 17 April 1531 van Karel hertog van Gelre aan zijnen bastaardzoon Karel, stadhouder van Groningen en Ommelanden, inhoudende het bevel, om naar aanleiding van de opdracht van het grietmanschap door de buiren van Vredewold aan Onno van Ewsum (zie han024) te bewerken, dat het grietmanschap voorn. geheel en al aan het geslacht van Ewsum wordt geschonken.
Carell hertouch van Gelre ind van Guylich, greve van Sutphen,
here van Groenynghen, der Omlanden, tot Covorden ind Drenthe.
Lieve getrouwe, soe die gemeyne bueren van Vredewolt om merckelicke mysbruck
ind groite excessen durch versuymenisse ind onverstant der richteren
langhe jaeren bis hertoe ongestraifft gebleven sijn, hebben zij onsen lieven
getrouwen Onno van Euwsum die grietenije gegont ind toegestaen
't welck onss bedunckens van oen zeer waill gedaen is. Inde off sulx nyet
gedaen wier sol er nochtantz noedich wesen dat noch sulx geschege.
Ind soe wij dan der meynongen sijn sulcke consent ind belieffnisse van
een eyns gegeven gehalden ind vultaeghen willen hebben ende dair villicht
van etzelicken contrarii vurgenaemen mucht werden omb oerer selffs profijt
ind genot ind nyet om lieffte der justitien, is onse ernste beveell dat
ghij u mitten alreyrsten to Vredewolt fueghen ind onsen sementlicken
ondersaeten bij u bescheyt ind van onser weghen ernstlicken vurhalden
dat zij die Van Euwesum tot wailvaeronge oever die regeronge der grietenijen
nyet en weygeren dan gensselicken gonnen ind toestaen, dairain ons oick
denckelick geschien sall ind off daer ymantz onwillich off rebellich
teghen wesen wolde, den wilt mit redenen soe onderrichten dat hij to-
vreden zij off ons averschrijven. Hyrvan en zydt in geynen gebreck
want wij ons dess alsoe tot u verlaeten. Gegeven in onser stadt Arnhem
opten xviien dach aprilis anno etc. xxxio.
here van Groenynghen, der Omlanden, tot Covorden ind Drenthe.
Lieve getrouwe, soe die gemeyne bueren van Vredewolt om merckelicke mysbruck
ind groite excessen durch versuymenisse ind onverstant der richteren
langhe jaeren bis hertoe ongestraifft gebleven sijn, hebben zij onsen lieven
getrouwen Onno van Euwsum die grietenije gegont ind toegestaen
't welck onss bedunckens van oen zeer waill gedaen is. Inde off sulx nyet
gedaen wier sol er nochtantz noedich wesen dat noch sulx geschege.
Ind soe wij dan der meynongen sijn sulcke consent ind belieffnisse van
een eyns gegeven gehalden ind vultaeghen willen hebben ende dair villicht
van etzelicken contrarii vurgenaemen mucht werden omb oerer selffs profijt
ind genot ind nyet om lieffte der justitien, is onse ernste beveell dat
ghij u mitten alreyrsten to Vredewolt fueghen ind onsen sementlicken
ondersaeten bij u bescheyt ind van onser weghen ernstlicken vurhalden
dat zij die Van Euwesum tot wailvaeronge oever die regeronge der grietenijen
nyet en weygeren dan gensselicken gonnen ind toestaen, dairain ons oick
denckelick geschien sall ind off daer ymantz onwillich off rebellich
teghen wesen wolde, den wilt mit redenen soe onderrichten dat hij to-
vreden zij off ons averschrijven. Hyrvan en zydt in geynen gebreck
want wij ons dess alsoe tot u verlaeten. Gegeven in onser stadt Arnhem
opten xviien dach aprilis anno etc. xxxio.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 0025a |
| Jaar | 1531 |
| Datumcode | 1704 |