| Nummer:han042 | Datum:1542 | Overlevering:Origineel | Vindplaats:H.A. Nienoord, inv.nr. 42 |
Koopbrief, waarbij Tyalle Hymmersma en Dato Taynge verkoopen aan Meyster Jelthe Bennynge, pastor te Noordhorn, een vrijen uitweg met slooten aan beide zijden door hun land, de Vallekamp genaamd.
Wij Tyalle Hymmersma ende Dato Taynge bekennen ende belyen myt dussen
openen verzeghelden breve voer ons ende onsen erffg. dat wij hebben
vercofft, upghedragen ende overghegeven, draghen up ende gheven over erfflijck
ende ewychlijck, den erachtygen ende walgeleerden heren meyster Yeltho
Bennynge, pastoer to Noerthorm ende sijnen erffga. enen vrijen wech van
sijn selves hoeylant doer unse lant genoempt de Vallekamp, vijf
treden breet ende noch soe vole landes um sloet to graven an bey-
den sijden ytlijck sloet van negen off tyn voeten onbespeert ende
onbestraffet, voert myt enen vrijen uutwech suetwert up doer
onser twyer ackerlanth hen an den wech, voer ene summa van
pennyngen d'welck ons Tyalle ende Datho vors. vul al ende wal ys
betaelt den lesten pennynck myt den eersten ende dancken dem
voer upghemelten heren goder betalynge. Dyt vors. lanth sallen
van Tyalle ende Dato vors. ende onse twijer erffga. den erbaren vors.
heren ende sijnen erffg. vrij ende schaloes leveren, hueden ende waren
voer allen denghenen de daer myt yenygen rechte up spreken
mogen. Sonder alle arghelyst ende nije invunden, mester Yelthe vors. ende
sijnen erffg. vors. hoer vrijen wyllen daermede to doen. In oerkunde
der waerheyt, soe hebben wij Tyalle ende Dato vors. ghebeden den erba-
ren ende vromen Tyepke Douwema vanwegen de erbaren ende erentfeste juncker
Hyddo van Euszum, erffgreetman over Vredewolth (rechter) over ons dussen
breeff to bezegelen. Wes ick Tyepke vors. gheerne ghedaen hebbe om
Tyallen ende Daten vors. bede wylle ende hebbe ons landes zeghel bneden an
dussen breeff ghehangen. Yn 't jaer ons Heren, dusent vijfhundert ende tweendefeertych, des
frijdages na Conceptionis Marie
openen verzeghelden breve voer ons ende onsen erffg. dat wij hebben
vercofft, upghedragen ende overghegeven, draghen up ende gheven over erfflijck
ende ewychlijck, den erachtygen ende walgeleerden heren meyster Yeltho
Bennynge, pastoer to Noerthorm ende sijnen erffga. enen vrijen wech van
sijn selves hoeylant doer unse lant genoempt de Vallekamp, vijf
treden breet ende noch soe vole landes um sloet to graven an bey-
den sijden ytlijck sloet van negen off tyn voeten onbespeert ende
onbestraffet, voert myt enen vrijen uutwech suetwert up doer
onser twyer ackerlanth hen an den wech, voer ene summa van
pennyngen d'welck ons Tyalle ende Datho vors. vul al ende wal ys
betaelt den lesten pennynck myt den eersten ende dancken dem
voer upghemelten heren goder betalynge. Dyt vors. lanth sallen
van Tyalle ende Dato vors. ende onse twijer erffga. den erbaren vors.
heren ende sijnen erffg. vrij ende schaloes leveren, hueden ende waren
voer allen denghenen de daer myt yenygen rechte up spreken
mogen. Sonder alle arghelyst ende nije invunden, mester Yelthe vors. ende
sijnen erffg. vors. hoer vrijen wyllen daermede to doen. In oerkunde
der waerheyt, soe hebben wij Tyalle ende Dato vors. ghebeden den erba-
ren ende vromen Tyepke Douwema vanwegen de erbaren ende erentfeste juncker
Hyddo van Euszum, erffgreetman over Vredewolth (rechter) over ons dussen
breeff to bezegelen. Wes ick Tyepke vors. gheerne ghedaen hebbe om
Tyallen ende Daten vors. bede wylle ende hebbe ons landes zeghel bneden an
dussen breeff ghehangen. Yn 't jaer ons Heren, dusent vijfhundert ende tweendefeertych, des
frijdages na Conceptionis Marie
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 42 |
| Jaar | 1542 |
| Datumcode | VpConMar |
x
| Commentaar | met het half vernietigd uithangend zegel van Vredewold, verzegeld door Tyepke Douwema, rechter van wegen den erfgrietman Jr. Hidde van Ewsum |
|---|