| Nummer:han080 | Datum:25 nov. 1551 | Overlevering: | Vindplaats:H.A. Nienoord, inv.nr. 80 |
Tette wed. van Johan Berents verwisselt Fockemaheerd tegen twee heerden land onder Nuis gelegen.
Wij Aeko Meynema ende Ipo Crusinghe, nu ter tijt greethmans in Langewolth, bekennen ende betughen meth dessen openen vorbezegelden transfixbreve
dath voer ons is gekoemen Tette, Pabe Fockema dochter tho Marum, zalige Johann Berentz huesfre., und bekande woe dat Tette vors. ende oer zalige man,
Johan Berentz vors., bij sijnen levent samptlijken ende eendrechtlijken voer oer ende oeren arffgm. in den jaere vijfftheynhondert veerendeveertich des vrijdages
nae Paeschen, ewelijken ende arfflijkenn in eenen arffwyssell opgedragen ende overgegeven der erntfester, erber ende duchsamer vrouw Beetken van Raswert, nae-
gelaten weduwe ende vrouw tot Euwszum ende oeren arffgm., Fockema heert landes gelegen tho Marum, als hues, hoff, lant, sant, steen, holt, stock, strueck, feen ende
venne, boulant, maetlant, weydelant, heydtlant mit allen dat eertvast ende nagelvast is, voert alle gerichticheyden, recht ende heerlijckheyden, kerckstolen ende legersteden
mit allen sijnen thobehoeren, gelegen onder de clocke tho Marum, offte waer dat oeck gelegen mach wesen, nychtes daervan uuthbesundert, soe als Tette vors.
ende oeren zalige man Johan Berentz dath van Pabe Fockema ende Beerthe, sijner huesfre. Tetten vors. echte ende rechte vader ende moder gewest hebben ont-
fanghen nae lueth ende vormelden den coepbreeff daer dessen transfixbreeff doergetogen is, hetsij in den selven benoempt offte onbenoempt der erber vorgenoemte
vrouw ende oeren arffgm., hoeren vrijen wylle met den heert landes met alle sijn thobehoren tho doen, met gerechticheiden, recht ende heerlicheyden so vors. tho
verwysselen, tho vorkopen, tho vorhueren offte selfs to gebrueken, gelijck ze met hoeren eygen vrije arffguederen behoerten tho doen. Des so gelovet Tette
vors. vermydtz desen voer oer ende oeren arffgm. der erber vorgenoempte vrouw ende oeren arffgm. den heert landes so vors. vrij ende veerdich to leveren,
tho hueden ende tho waeren voer alle ansprake de daer met recht offte bueten recht op spreken mochtenn. Hyerentegens hebben Tette ende oer zalige
man Johan vors. in eenen arffwyssell weder ontfanghen van der erbaer vorgenoempte vrouwe, twee heerden landes, gelegen in der Nues de ze vann
Wessel Schomaker ende Menno Ilens gekofft hefft nae luede zegell ende breven Tette vors. van der erber vorgente. vrouwe ontfangen hevet und bedanckte
der erber, voergenoempte vrouw ende oeren arffg.m guede overleveringe ende vuldaet desses vors. arffwyssels. Vorder bekande Tette vors. voere
oer ende oeren arffgm. dat der erber, voergenoempte vrouw hefft uuthbescheyden, sall hebben ende beholden ewelijken ende arfflijken voer hoer ende horenn
arffgm. alle de gerechticheyden, recht ende heerlijcheyden mit der kercken vergyfften up de vors. heerden in de Nues vallenn ende behoren. Ende daerto
oeck over deselve landen in de Nues ewelijken ende arfflijken to hebben ende tho beholden eene vrije overdryffte up ende uuth boven den leydijck
met schapen ende ander beesten, deselve hoge feenen tho moghenn beslaenn ende t'ghebruekenn, beholtlijken Tetten vors. den vrij eegendoem der
vors. feenen ende landen voer oer ende oerenn arffgm., ewelijken ende arfflijkenn tho beholden. Noch bekande Tette vors. voer oer ende oerenn
arffgm. dattet is mede verdragen und bescheyden dat Tette vors. offte oeren arffgm. de voergeroerde landen in der Nues gelegen, een deell
offte alheell wederomme wolden vercopen offte versetten, sall altijth der erbaer voergenoempte vrouw ende oeren arffgenamen de naesthen daer
tho wesen tot gueder mannen seggen. Sunder all argelist. Des orkunden wij greethmans opgemelth met des gemeene landes zegell vann
Langewolt beneden an dessen transfixbreeff ende verdrach gehangen. Gegeven in den jaer ons Herenn dusent vijffhondert eennendevijfftich
op daghe Catharina virginis.
dath voer ons is gekoemen Tette, Pabe Fockema dochter tho Marum, zalige Johann Berentz huesfre., und bekande woe dat Tette vors. ende oer zalige man,
Johan Berentz vors., bij sijnen levent samptlijken ende eendrechtlijken voer oer ende oeren arffgm. in den jaere vijfftheynhondert veerendeveertich des vrijdages
nae Paeschen, ewelijken ende arfflijkenn in eenen arffwyssell opgedragen ende overgegeven der erntfester, erber ende duchsamer vrouw Beetken van Raswert, nae-
gelaten weduwe ende vrouw tot Euwszum ende oeren arffgm., Fockema heert landes gelegen tho Marum, als hues, hoff, lant, sant, steen, holt, stock, strueck, feen ende
venne, boulant, maetlant, weydelant, heydtlant mit allen dat eertvast ende nagelvast is, voert alle gerichticheyden, recht ende heerlijckheyden, kerckstolen ende legersteden
mit allen sijnen thobehoeren, gelegen onder de clocke tho Marum, offte waer dat oeck gelegen mach wesen, nychtes daervan uuthbesundert, soe als Tette vors.
ende oeren zalige man Johan Berentz dath van Pabe Fockema ende Beerthe, sijner huesfre. Tetten vors. echte ende rechte vader ende moder gewest hebben ont-
fanghen nae lueth ende vormelden den coepbreeff daer dessen transfixbreeff doergetogen is, hetsij in den selven benoempt offte onbenoempt der erber vorgenoemte
vrouw ende oeren arffgm., hoeren vrijen wylle met den heert landes met alle sijn thobehoren tho doen, met gerechticheiden, recht ende heerlicheyden so vors. tho
verwysselen, tho vorkopen, tho vorhueren offte selfs to gebrueken, gelijck ze met hoeren eygen vrije arffguederen behoerten tho doen. Des so gelovet Tette
vors. vermydtz desen voer oer ende oeren arffgm. der erber vorgenoempte vrouw ende oeren arffgm. den heert landes so vors. vrij ende veerdich to leveren,
tho hueden ende tho waeren voer alle ansprake de daer met recht offte bueten recht op spreken mochtenn. Hyerentegens hebben Tette ende oer zalige
man Johan vors. in eenen arffwyssell weder ontfanghen van der erbaer vorgenoempte vrouwe, twee heerden landes, gelegen in der Nues de ze vann
Wessel Schomaker ende Menno Ilens gekofft hefft nae luede zegell ende breven Tette vors. van der erber vorgente. vrouwe ontfangen hevet und bedanckte
der erber, voergenoempte vrouw ende oeren arffg.m guede overleveringe ende vuldaet desses vors. arffwyssels. Vorder bekande Tette vors. voere
oer ende oeren arffgm. dat der erber, voergenoempte vrouw hefft uuthbescheyden, sall hebben ende beholden ewelijken ende arfflijken voer hoer ende horenn
arffgm. alle de gerechticheyden, recht ende heerlijcheyden mit der kercken vergyfften up de vors. heerden in de Nues vallenn ende behoren. Ende daerto
oeck over deselve landen in de Nues ewelijken ende arfflijken to hebben ende tho beholden eene vrije overdryffte up ende uuth boven den leydijck
met schapen ende ander beesten, deselve hoge feenen tho moghenn beslaenn ende t'ghebruekenn, beholtlijken Tetten vors. den vrij eegendoem der
vors. feenen ende landen voer oer ende oerenn arffgm., ewelijken ende arfflijkenn tho beholden. Noch bekande Tette vors. voer oer ende oerenn
arffgm. dattet is mede verdragen und bescheyden dat Tette vors. offte oeren arffgm. de voergeroerde landen in der Nues gelegen, een deell
offte alheell wederomme wolden vercopen offte versetten, sall altijth der erbaer voergenoempte vrouw ende oeren arffgenamen de naesthen daer
tho wesen tot gueder mannen seggen. Sunder all argelist. Des orkunden wij greethmans opgemelth met des gemeene landes zegell vann
Langewolt beneden an dessen transfixbreeff ende verdrach gehangen. Gegeven in den jaer ons Herenn dusent vijffhondert eennendevijfftich
op daghe Catharina virginis.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 80 |
| Jaar | 1551 |
| Datumcode | Cathar |
x
| Commentaar | met het uithangend zegel van Langewold , verzegeld door de grietmannen Ocko Meynema en Ipe Crusinghe |
|---|