| Nummer:han082 | Datum:8 aug. 1555 | Overlevering:Origineel | Vindplaats:H.A. Nienoord, inv.nr. 82 |
Verklaring van Tyepko Theynge te Roden voor Schout en schepenen van Utrecht op vraagpunten overgelegd door Cornelis Kempis, volmacht van Wigbolt van Ewsum, betreffende de wisseling van goederen (zie han082a).
Wij schout, burgermesteren ende scepenen der stadt van Utrecht [...] [do]en kondt allen luyden, dat op huyden datum 's brieffs voer ons gecoemen is
Tyepko Theynge, woenende te Roeden bij Groeningen in den lande van Drente, out omtrent vierendevijftich jaeren, ende tuychde bij zijnen
eede, die hij lijfflicken aen den heyligen mit opgerichten vingeren, bij volstaefts eedts voir ons dede ende wij volcomelicken van hem ontfengen,
zoe hij daer mitten rechte toegebrocht ende beset was, vanwegen Cornelis Kempis als volmechticht van den gestrengen ende erentfesten heren
Wigbolt van Eussum ende dat op zekere positien ende articulen bij den voirs. Cornelis Kempis voer uns overgelevert luydende ende inhoudende
van woerde te woerde zoe hier dat volcht. Positien ende articulen den gerechte der stede Uuttrecht bij Cornelis Kempis als vuelmechtich
van den gestrengen ende erentveste heren her Wigbolt van Eussum overgegeven op den welcken hij versoeckt van Tyepke Teynge per
verbum credit v[...] non puer simpel antwoerdt ende daer off certificatie gepassert thoe hebben. i. In den eersten poseert ende articuleert
de requirant dat den gedaegde wittich ende kundich is dat dese tegenwoerdige verdrach ofte contracte (welcke den vors. gedaegde mit
zijn eygen hant gescreven heeft) alzoe witlick wall ende mit voerbedachten moede ingegaen, geschiet ende veraccordeert is, gelijck
d[...] [...]de bi den gebroederen Van Eussum alhier mit hun handen ende zegelen bevestiget is. ii. Item dat de gedaegde oeck kundich is ende in 't
[...] weet (d'wijle he bij den versegelinge des tegenwoerdigen contracts is geweest) dat daer geen ander verdrach (den articulen in den
tegenwoerdigen breve concernerende) in 't groet ofte in 't cleyn tusschen den opgemelten gebroederen Van Eussum doe ter tijt gemaect
unde veraccordeert is, dan 't gene geheel all ende in 't lange daer inne uuytgedruckt, begrepen ende gescreven steyt op alle welcke
positien ende articulen die getuyge voirs. geexamineert ende gevraecht wesende ende yerst op 't yerste artyckel voirs. tuychde
ende seyde dair op bij zijnen voirs. eede dat hem getuyge noch wittich ende kundich is dattet verdrach ofte contracte in 't voirs.
artyckel gementioneert, die welcke hem volzegelt, vertoent ende voirgelesen is ende hiernae van woerde te woerde geinsereert
staet, alzoe witlick wall ende mit voerbedachten moede [...]gegaen, geschiet ende veraccordeert is bij den gestrengen ende erentfesten
heer Wigbolt van Ewszum ende Johan van Ewszum, gebroederen, gelijck die voirs. brieve in 't geheel vermelt, welcken brieve die
gebroeders voirs. elcx onderteyckent ende hij getuyge ge[...]ve[...] heeft. Ende is die voers. brieff luydende ende inhoudende van woerde te
woerde soe hiernae volcht. [---]
[VOLGT han082a]
Ende noch gevraecht op 't anderde [...] [...] voirs., seyde daerop bij zijnen voirs. ede dat hij getuyge van
genen anderen accorde desen [...] [...]gaende tusschen den b[ey]den gebroederen gemaect ende weet anders dan in den voirs. brieff (die
die hij getuyge mit zijn hant gescreven heeft ende bij den gebroederen voirs. underteyckent ende versegelt is) begrepen staet
ende want di[...] [...]elijck vo[...] [...] voer[...], geschiet ende getuycht is, ende die geinsereerden brieff ende daertoe die positien
ende articulen voirs. mit elcx zijn principaelen hyerg[...]erde van woerde te woerde accorderende zijn, soe certificeren wij dat
eenen yegelicken dat behoevende [voe]r die gerechticheyt ende [...] [...] T'oerckonde dese stadt signet 'twelck wij dagelicx
gebruycken aen desen brieff doen hangen. Gegeven in 't jaer ons Heren duysent vijffhondert vijffendevijftich opten achtsten
dach in augusto.
[handtekening:] Ja. van der Voort
Tyepko Theynge, woenende te Roeden bij Groeningen in den lande van Drente, out omtrent vierendevijftich jaeren, ende tuychde bij zijnen
eede, die hij lijfflicken aen den heyligen mit opgerichten vingeren, bij volstaefts eedts voir ons dede ende wij volcomelicken van hem ontfengen,
zoe hij daer mitten rechte toegebrocht ende beset was, vanwegen Cornelis Kempis als volmechticht van den gestrengen ende erentfesten heren
Wigbolt van Eussum ende dat op zekere positien ende articulen bij den voirs. Cornelis Kempis voer uns overgelevert luydende ende inhoudende
van woerde te woerde zoe hier dat volcht. Positien ende articulen den gerechte der stede Uuttrecht bij Cornelis Kempis als vuelmechtich
van den gestrengen ende erentveste heren her Wigbolt van Eussum overgegeven op den welcken hij versoeckt van Tyepke Teynge per
verbum credit v[...] non puer simpel antwoerdt ende daer off certificatie gepassert thoe hebben. i. In den eersten poseert ende articuleert
de requirant dat den gedaegde wittich ende kundich is dat dese tegenwoerdige verdrach ofte contracte (welcke den vors. gedaegde mit
zijn eygen hant gescreven heeft) alzoe witlick wall ende mit voerbedachten moede ingegaen, geschiet ende veraccordeert is, gelijck
d[...] [...]de bi den gebroederen Van Eussum alhier mit hun handen ende zegelen bevestiget is. ii. Item dat de gedaegde oeck kundich is ende in 't
[...] weet (d'wijle he bij den versegelinge des tegenwoerdigen contracts is geweest) dat daer geen ander verdrach (den articulen in den
tegenwoerdigen breve concernerende) in 't groet ofte in 't cleyn tusschen den opgemelten gebroederen Van Eussum doe ter tijt gemaect
unde veraccordeert is, dan 't gene geheel all ende in 't lange daer inne uuytgedruckt, begrepen ende gescreven steyt op alle welcke
positien ende articulen die getuyge voirs. geexamineert ende gevraecht wesende ende yerst op 't yerste artyckel voirs. tuychde
ende seyde dair op bij zijnen voirs. eede dat hem getuyge noch wittich ende kundich is dattet verdrach ofte contracte in 't voirs.
artyckel gementioneert, die welcke hem volzegelt, vertoent ende voirgelesen is ende hiernae van woerde te woerde geinsereert
staet, alzoe witlick wall ende mit voerbedachten moede [...]gegaen, geschiet ende veraccordeert is bij den gestrengen ende erentfesten
heer Wigbolt van Ewszum ende Johan van Ewszum, gebroederen, gelijck die voirs. brieve in 't geheel vermelt, welcken brieve die
gebroeders voirs. elcx onderteyckent ende hij getuyge ge[...]ve[...] heeft. Ende is die voers. brieff luydende ende inhoudende van woerde te
woerde soe hiernae volcht. [---]
[VOLGT han082a]
Ende noch gevraecht op 't anderde [...] [...] voirs., seyde daerop bij zijnen voirs. ede dat hij getuyge van
genen anderen accorde desen [...] [...]gaende tusschen den b[ey]den gebroederen gemaect ende weet anders dan in den voirs. brieff (die
die hij getuyge mit zijn hant gescreven heeft ende bij den gebroederen voirs. underteyckent ende versegelt is) begrepen staet
ende want di[...] [...]elijck vo[...] [...] voer[...], geschiet ende getuycht is, ende die geinsereerden brieff ende daertoe die positien
ende articulen voirs. mit elcx zijn principaelen hyerg[...]erde van woerde te woerde accorderende zijn, soe certificeren wij dat
eenen yegelicken dat behoevende [voe]r die gerechticheyt ende [...] [...] T'oerckonde dese stadt signet 'twelck wij dagelicx
gebruycken aen desen brieff doen hangen. Gegeven in 't jaer ons Heren duysent vijffhondert vijffendevijftich opten achtsten
dach in augusto.
[handtekening:] Ja. van der Voort
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 82 |
| Jaar | 1555 |
| Datumcode | 0808 |