| Nummer:hjki0186 | Datum:3 juni 1558 | Overlevering:Origineel | Vindplaats:Arch. Hoge Justitiekamer, inv.nr. 0186 |
Wy Borghermester ende Raedt ijn Groeninghen betueghen mijt desen openen breve dat voer ons sijnt ghekoemen die
Erntfeste ende Erbaren Juncker Peter van Ghelder ende juffer Gheertruedt sijn huesfrouwe ende bekanden voer
hem ende hoeren arffgenamen dat se hebben verkofft upghedraghen ende oeverghegheven Berendt then Camp, Baete sijn
huesfrouwe ende hoeren arffgenamen ses ghuede gholden Gheldersche Rijder guldens van ghewichte jaerlijker
renten dartich unsser stadt stuvers als nu ghanckbaer sijnt offte paijment dat daer ghuedt voer ijs voer
elcken gulden gerekent tho betalen jaerlix up pinxsteren offte vrij schadeloes gheldt mijt botbreven
ende allen rechten gheestlick ende wartlick ijn tho manen uuth Juncker Peters ende juffer Gheertruedtz
vorscr. heerdt landes gheleghen tho Eentum omtrent veertich juck groet sijnde Frolema heerdt
ghenoempt daer Johan Peters als meijer nu ter tijdt upwoent Ende voert uuth ende oever alle
juncker Peters ende juffer Gheertruedtz vorscr. ander landen ende ghuederen replick unreplick woe ende waer
die ghelegen moeghen wesen die se nu reede hebben ende noch vorkrijghen moeghen ghene uuthbesundert vrij
ende quijdt ende vrij arfflijken de vorscr. renten mijt hoer principael alle ijaeren unvorijaert daer uut to leveren
ende tho waren voer ene summe gheldes die juncker Peter ende Juffer Gheertruedt vorscr. bekanden
dat hem vull ende all ijs betaelt. Mijt vorworden dat Juncker Peter ende juffer Gheertruedt vorscr.
offte hoeren arffgenamen des vorscr. renten tot allen tijden moeghen weder off vrij ende quijdt koepen mijt
hundert ghuede gholden Geldersche Ryder guldens van ghewichte voerscr. paijments Ende mijtter
vuller renten. Sunder barghelist dat oerkunde wij mijt unsen stadt seghell Ghegeven inden jaer
unses heren duesent vijffhundert acht en vijfftich den darden dach Junij doe olde Johan
Hoernken, Johan Sickinghe, Albert Coenrades ende Johan tho Lellens Borgermester weren
unser stadt.
DORSO : Berendt then Camp
Joncker Pyeter.
Erntfeste ende Erbaren Juncker Peter van Ghelder ende juffer Gheertruedt sijn huesfrouwe ende bekanden voer
hem ende hoeren arffgenamen dat se hebben verkofft upghedraghen ende oeverghegheven Berendt then Camp, Baete sijn
huesfrouwe ende hoeren arffgenamen ses ghuede gholden Gheldersche Rijder guldens van ghewichte jaerlijker
renten dartich unsser stadt stuvers als nu ghanckbaer sijnt offte paijment dat daer ghuedt voer ijs voer
elcken gulden gerekent tho betalen jaerlix up pinxsteren offte vrij schadeloes gheldt mijt botbreven
ende allen rechten gheestlick ende wartlick ijn tho manen uuth Juncker Peters ende juffer Gheertruedtz
vorscr. heerdt landes gheleghen tho Eentum omtrent veertich juck groet sijnde Frolema heerdt
ghenoempt daer Johan Peters als meijer nu ter tijdt upwoent Ende voert uuth ende oever alle
juncker Peters ende juffer Gheertruedtz vorscr. ander landen ende ghuederen replick unreplick woe ende waer
die ghelegen moeghen wesen die se nu reede hebben ende noch vorkrijghen moeghen ghene uuthbesundert vrij
ende quijdt ende vrij arfflijken de vorscr. renten mijt hoer principael alle ijaeren unvorijaert daer uut to leveren
ende tho waren voer ene summe gheldes die juncker Peter ende Juffer Gheertruedt vorscr. bekanden
dat hem vull ende all ijs betaelt. Mijt vorworden dat Juncker Peter ende juffer Gheertruedt vorscr.
offte hoeren arffgenamen des vorscr. renten tot allen tijden moeghen weder off vrij ende quijdt koepen mijt
hundert ghuede gholden Geldersche Ryder guldens van ghewichte voerscr. paijments Ende mijtter
vuller renten. Sunder barghelist dat oerkunde wij mijt unsen stadt seghell Ghegeven inden jaer
unses heren duesent vijffhundert acht en vijfftich den darden dach Junij doe olde Johan
Hoernken, Johan Sickinghe, Albert Coenrades ende Johan tho Lellens Borgermester weren
unser stadt.
DORSO : Berendt then Camp
Joncker Pyeter.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0186 |
| Jaar | 1558 |
| Datumcode | 0306 |