| Nummer:hjki0234 | Datum:27 febr. 1571 | Overlevering:Origineel | Vindplaats:Arch. Hoge Justitiekamer, inv.nr. 0234 |
Johan Conders unde Rixte Aykema echte ludenn doen kundth lyenn ende bekennen in ende vermits desen oepenenn
breve voer uns ende unsen arffgenamen dat wy hebben verkoefft upgedragen ende over gegeven Anne bokenbinners
selyghe Tyes bokenbinners naegelaten wedwe ende hore arffgenamen veer daler yaerlyke ende arfflyke rente thot dart
ich brabants stuver yder daler gherekenth eff tho betalen jaerlyckxs ende alle yaren unveryaert up vastlaventh tho
betalen offte vry schadeloes gelth myt hoefftmans mandatenn ende alle andere rechten in tho manen ende the borenn
uuth unsen heerdth landes geleghen tho Adorp de Johan Wiggers nu thor tydt brukende is ende voert uuth ende
over alle eynn yder unse andere landen heerden ende guederen de wy nu rede hebben ende noch verkryghen moghen
woe ende waer de oeck geleghen wesenn vry ende quydth ende vry arfflyken de verscr. rente mit sampt
den principaell dat uuth tho leveren ende tho waren voer eyne summa geldes de wy bekennen dat ons
vul ende al is betaelt Myt vorwerden dat wy Johan Conders ende Ryxste Aykema verscr. offte unsen arffgenamen
dese verscr. rente tho allen tiden moeghen wedde aff vry ende quydth kopen myt vifftich daler mit paye
ment als verscr. ende mit de vulle rente Noch synnen vorwerden offte Anne verscr. offte hore arffgenamen dese verscr. rente
nicht lenger stedichden up rente gaen tho laten moghen Anne verscr. offte hore erffgenamen uns verscr. offte unse
erffgenamen eyn halff yaer tho voren anseggen ende verwittighen laten als dan sollen wy offte unsen arffgenamen dese
verscr. rente mit vifftich daler mit payement als verscr. ende mit de vulle rente wedder aff lossen sunder
argelist in orkunden der warheyt hebbe ick Iohan Conders vor my ende myn huesfrouwe sampt unse beyde arff
genamen myn angeboren arff segel hyr onder an desen breeff gehangen ende ende (sic) yder unse handt hir under gescreven Actum
den XXVII february Anno LXXI. Johan Conders myn handth
Ryxt Aykema myn hant.
breve voer uns ende unsen arffgenamen dat wy hebben verkoefft upgedragen ende over gegeven Anne bokenbinners
selyghe Tyes bokenbinners naegelaten wedwe ende hore arffgenamen veer daler yaerlyke ende arfflyke rente thot dart
ich brabants stuver yder daler gherekenth eff tho betalen jaerlyckxs ende alle yaren unveryaert up vastlaventh tho
betalen offte vry schadeloes gelth myt hoefftmans mandatenn ende alle andere rechten in tho manen ende the borenn
uuth unsen heerdth landes geleghen tho Adorp de Johan Wiggers nu thor tydt brukende is ende voert uuth ende
over alle eynn yder unse andere landen heerden ende guederen de wy nu rede hebben ende noch verkryghen moghen
woe ende waer de oeck geleghen wesenn vry ende quydth ende vry arfflyken de verscr. rente mit sampt
den principaell dat uuth tho leveren ende tho waren voer eyne summa geldes de wy bekennen dat ons
vul ende al is betaelt Myt vorwerden dat wy Johan Conders ende Ryxste Aykema verscr. offte unsen arffgenamen
dese verscr. rente tho allen tiden moeghen wedde aff vry ende quydth kopen myt vifftich daler mit paye
ment als verscr. ende mit de vulle rente Noch synnen vorwerden offte Anne verscr. offte hore arffgenamen dese verscr. rente
nicht lenger stedichden up rente gaen tho laten moghen Anne verscr. offte hore erffgenamen uns verscr. offte unse
erffgenamen eyn halff yaer tho voren anseggen ende verwittighen laten als dan sollen wy offte unsen arffgenamen dese
verscr. rente mit vifftich daler mit payement als verscr. ende mit de vulle rente wedder aff lossen sunder
argelist in orkunden der warheyt hebbe ick Iohan Conders vor my ende myn huesfrouwe sampt unse beyde arff
genamen myn angeboren arff segel hyr onder an desen breeff gehangen ende ende (sic) yder unse handt hir under gescreven Actum
den XXVII february Anno LXXI. Johan Conders myn handth
Ryxt Aykema myn hant.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0234 |
| Jaar | 1571 |
| Datumcode | 2702 |