| Nummer:hjki0249 | Datum:7 maart 1550 | Overlevering:Origineel | Vindplaats:Arch. Hoge Justitiekamer, inv.nr. 0249 |
Wy Borgermesteren ende Raedt in Groeninghen Betuegen myt desen openen breve Dat voer uns synt
gecomen Peter Jarghes Stine syn echte huesfrouwe ende bekanden voer hem ende hoeren arffgenamen dat se hebben
verkofft upgedragen ende overgegeven Harmen Luytkens voermundt myt den voechden tho salige Julle
Almersma nagelaten kynderen tho behoeff derselver kynder ende hoeren arffgenamen Twalff goede golden
geldersche rider gulden van gewichte Jaerliker Renten ofte payement datter goedt voer ys tho betalen
jaerlixs up Midtfasten ofte vry schadeloos gelt myt botbreven ende allen Rechten geestlick ende
wartlick in tho manen uuth Peters ende Stinen vorgen. heerdt landes tachtentich grasen landes groet
synde gelegen up Monnikes dyck ende Suydthorummer karspel daer se nu ter tyt selves op wonen
Ende voirt uuth ende over alle hoere beyder ander goederen replick ende onreplick wo ende waer de gele
gen moegen wesen vry ende quydt ende vry arffliken daer uuth to waren Vor ene Summe geldes
de Peter ende Stine vorscr. bekanden dat hem vull ende all ys betaelt Mit vorworden dat Peter ende
Stine vorgen. ende hoer arffgenamen dese voergen. Renten tho allen tiden moegen weder aff vry ende quydt
kopen myt Twehundert ghode golden geldersche rider gulden van gewichte vorscr. payments
ende mytter vuller Renten Vorder ys vor uns persoenliken erschenen Albert Coenrades
ende Is vor hem ende synen arffgenamen voir de voirscr. Renten ende principael waerborge geworden
sunder argelist Dat oerkunde wy myt unser Stalt Seghel Ghegeven Inden Jaer unses heren
dusent viffhondert ende vifftich den sovenden dach Marty doe olde Johan Hoernken Rey
ner Garmens, Johan Sickynghe ende Bartoldt Coenrades Borghermesteren weren unser Stalt.
DORSO: Peter nu Loech Jarges XII Rijder up Midt vasten datum anno L.
gecomen Peter Jarghes Stine syn echte huesfrouwe ende bekanden voer hem ende hoeren arffgenamen dat se hebben
verkofft upgedragen ende overgegeven Harmen Luytkens voermundt myt den voechden tho salige Julle
Almersma nagelaten kynderen tho behoeff derselver kynder ende hoeren arffgenamen Twalff goede golden
geldersche rider gulden van gewichte Jaerliker Renten ofte payement datter goedt voer ys tho betalen
jaerlixs up Midtfasten ofte vry schadeloos gelt myt botbreven ende allen Rechten geestlick ende
wartlick in tho manen uuth Peters ende Stinen vorgen. heerdt landes tachtentich grasen landes groet
synde gelegen up Monnikes dyck ende Suydthorummer karspel daer se nu ter tyt selves op wonen
Ende voirt uuth ende over alle hoere beyder ander goederen replick ende onreplick wo ende waer de gele
gen moegen wesen vry ende quydt ende vry arffliken daer uuth to waren Vor ene Summe geldes
de Peter ende Stine vorscr. bekanden dat hem vull ende all ys betaelt Mit vorworden dat Peter ende
Stine vorgen. ende hoer arffgenamen dese voergen. Renten tho allen tiden moegen weder aff vry ende quydt
kopen myt Twehundert ghode golden geldersche rider gulden van gewichte vorscr. payments
ende mytter vuller Renten Vorder ys vor uns persoenliken erschenen Albert Coenrades
ende Is vor hem ende synen arffgenamen voir de voirscr. Renten ende principael waerborge geworden
sunder argelist Dat oerkunde wy myt unser Stalt Seghel Ghegeven Inden Jaer unses heren
dusent viffhondert ende vifftich den sovenden dach Marty doe olde Johan Hoernken Rey
ner Garmens, Johan Sickynghe ende Bartoldt Coenrades Borghermesteren weren unser Stalt.
DORSO: Peter nu Loech Jarges XII Rijder up Midt vasten datum anno L.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0249 |
| Jaar | 1550 |
| Datumcode | 0703 |