Wy borghermestere ende Raed in Groninghen bekenne ende betughen mit dessen openen breve dat voer ons is ghecomen Alberd
Lewe ende bekande dat hie hevet vercoft Egberde van Ballen vier olde franxsche schilde rente of payment dat daer
guet voer is in Groninghen to nemen elkes jaers als en stadrecht is uet Alberdes voerscr. twen husen ende hofsteden voer
ene summe gheldes die Alberdes voerscr. bekande dat hem vol ende al betaelt is. Die vier franxsche schilde rente voersc. draech
Alberd voerscr. up vor hem ende syne erfnamen Egberde voerscr. ende sinen erfnamen vry ende quyt eweliken to bruken ende
to besitten Deze voersc. twe hues mitte hofstede sunt ghelegen in de zuedsyd van Herderwikerstrate daer Reynold
Hughinghe en Herman Willeghen wech bi leghet up der wester syd ende Robertus des scrivers hues up de oester syd Dat or
kunde wy myt onser stad seghel Ghegheven in den jaer ons heren vierhonderd ende tweleve up sente Kalixtus
dach doe Jarich Coppiins Reynolt Hughing Everd Wycboldes ende Ludolff Sicking borghermestere weren onser stad.

x

x

Archief	Groninger Archieven
Fonds	Arch. Klerken- en fraterhuis
Toegangsnummer	1237
Inventarisnr.	0162
Regestnr.	013
Register Feith	1412.002
Jaar	1412
Datumcode	Calixt

x

x

x

Materiaal	perkament