Wij borghermestere ende Raed in Gronynen bekennen ende betugen mit dessen opene breve dat voer ons is ghecomen
Henric ter Bruggen ende bekande voer hem ende voer zine erfnamen dat hie heft verhuert tot ewigher hure Gherde
van Brocberghe ende zinen erfgenamen de hofstede daer Gheeds vorscr. hues op ghetymmert is daer hie mi ter tijt in wonet
voer ses gulden renthe des Jaers tyen olde flemesche grote voer den gulden off payment dat daer guet voer is
in Groningen to betalen Jaerlikes als een stadsrecht is Desse voersc. hofstede is ghelegen in den hove op der zuedzijde
van den weghe als men ghaet van Sunte Martins kerchove to der Stadmuren daer der Aermen erve naest bij leghet
op der oester zijden Dit orkonde wij mit onser Stad Seghele Ghegeven in den Jaer ons heren dusentvierhundert Twe ende twijn
tich op sunte Pancracius dach Doe Reynold Hughing Bruen Klynghe Henric ter Bruggen vorscr. ende Dijtmar
Renghers Borghermestere weren onser Stad.

x

x

Archief	Groninger Archieven
Fonds	Arch. Klerken- en fraterhuis
Toegangsnummer	1237
Inventarisnr.	0152
Regestnr.	017
Register Feith	1422.001
Jaar	1422
Datumcode	Pancra

x

x

x

Materiaal	perkament