| Nummer:kfh021 | Datum:1 maart 1426 | Overlevering:Origineel | Vindplaats:Arch. Klerken- en fraterhuis, inv.nr. 0154, reg. 021 |
Wy Borghemestere ende Raed in Groningen bekenne ende tughen mit dessen openen breve dat voor ons is ghekomen her Bartolt
Baerlinghe priester toe Sunte Marten in onser Stad ende bekande dat hehefft verkofft opghedragen ende overghegeven
vry ende qwijt Tedeman Husingh ende zinen erffgenamen een huys mit zijn toebehoren mit allen rechte ende egendome ewe-
liken ende arffiken to bruken ende te besitten dat ghetymmert staet op ter hofstede die Tydeman van heren Bartholt Buningh
cureyt toe Sunte Marten voirscr. tot ewiger hure hefftgehuyrt Ende voir dit voircr. huys sal Tydeman voirscr. ende zins
erffgenamen gheven heren Bartolt Baerlingh voirscr. ende zinen erffgenamen eweliken ende erffliken uut den selven huys jaerlix als een
Stadrecht is seven gulden renthe derteyn buttekyns voir elken gulden gherekent offte pyment dat daer guet voir
is Hijr is toe ghesproken dat Tydeman voirscr. offte zine erffgenamen desse voirscr. seven gulden renthe qwijt moghen kopen.
Wanneer em des ghenoegen elken gulden renthe mit Twintich gulden paymentes als voirscr. is Dit vorscr. huys mit
der hofstede ende mit zijn toebehoren is ghelegen in der zudersyt van Eunte Johans strate daer Sheerdes van Bachberge
huys ende erve naest by leghet opter Westersyt Dat oirkunde wy mit onser Stad zegele Ghegheven in den jaer onse
heren dusent vierhundert sessen den twintich des vryedages na Sunte Mathias daghe apostoli Do Reynolt Hugingh Bruyn
Klinge Henric ter Bruggen ende Ditmar Rengars Borgermeystere weren onser Stad.
Dorso: Pater int fraterhuus littere Alberti de Balloe de
cameris apud domum claricorum in platea Johannis.
Baerlinghe priester toe Sunte Marten in onser Stad ende bekande dat hehefft verkofft opghedragen ende overghegeven
vry ende qwijt Tedeman Husingh ende zinen erffgenamen een huys mit zijn toebehoren mit allen rechte ende egendome ewe-
liken ende arffiken to bruken ende te besitten dat ghetymmert staet op ter hofstede die Tydeman van heren Bartholt Buningh
cureyt toe Sunte Marten voirscr. tot ewiger hure hefftgehuyrt Ende voir dit voircr. huys sal Tydeman voirscr. ende zins
erffgenamen gheven heren Bartolt Baerlingh voirscr. ende zinen erffgenamen eweliken ende erffliken uut den selven huys jaerlix als een
Stadrecht is seven gulden renthe derteyn buttekyns voir elken gulden gherekent offte pyment dat daer guet voir
is Hijr is toe ghesproken dat Tydeman voirscr. offte zine erffgenamen desse voirscr. seven gulden renthe qwijt moghen kopen.
Wanneer em des ghenoegen elken gulden renthe mit Twintich gulden paymentes als voirscr. is Dit vorscr. huys mit
der hofstede ende mit zijn toebehoren is ghelegen in der zudersyt van Eunte Johans strate daer Sheerdes van Bachberge
huys ende erve naest by leghet opter Westersyt Dat oirkunde wy mit onser Stad zegele Ghegheven in den jaer onse
heren dusent vierhundert sessen den twintich des vryedages na Sunte Mathias daghe apostoli Do Reynolt Hugingh Bruyn
Klinge Henric ter Bruggen ende Ditmar Rengars Borgermeystere weren onser Stad.
Dorso: Pater int fraterhuus littere Alberti de Balloe de
cameris apud domum claricorum in platea Johannis.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0154 |
| Regestnr. | 021 |
| Register Feith | 1426.001.1 |
| Jaar | 1426 |
| Datumcode | VpMatthi |