| Nummer:kfh040 | Datum:23 april 1439 | Overlevering:Origineel | Vindplaats:Arch. Klerken- en fraterhuis, inv.nr. 0027, reg. 040 |
Wy Lamma mynistersche ende ghemene susteren des olden convents van der darde oerde van sunte Franciscus in
Groninghen bekenne ende betugen mit dessen openen brieve voer ons ende onse nacomelinghe dat wy puerlike om die
ere godes te vermeerren ende by rade onser visitierres ende bijchvaders inder tijt overgegheven hebben heren
Willam Wiogboldi prioester in sunte Matynes kerke tot behoef eenre gheestliker vergaderinghe van priester ende
clercken die een ghemeyn leven leyden sollen na insettinghe der vergaderinge bynnen Deventer in her Florens huus
ende to Zwolle inder clercke huys ende onderstandich wesen ons ende guetwilligen menschen inder stat van Groningen
voirscr. onse husinge ende erve ghelegen bynnen Groninghen an die noertsyde van sunte Walburge kerchof daer
westwert ende noertwert naest geleghen sijn der kercken husinge ende erve van sunte Walburge ende oestwert
die wech bylang der stat mure Ende des voirscr. husinge ende erve hebben sij overghegeven ende gheven over heren Willam voirscr. ende synen nacomelinge priesteren ende clarcke vrij ende quijt ewelic ende erflic to bruken ende to besitten
in allen rechten ende eyghendom also wi dat hir to beseten ende ghebruket hebben. Beholden ons ende onse
nacomelinge tien arnoldus arnensen gulden Renten als voir datum des brieves ghemuntet syn ute den voirscr.
huse ende erve jaerlix to boren als een stad recht is Ende hier is togesproken dat her Willam voirscr. ende sine
nacomelinghe priesteren ende clercken moghen desse tien gulden renthen quijt copen mit twe hondert arnoldus
arnensen gulden als voer datum des brives ghemuntet [...] wanneer sie willen niet myn dan die helfte teffens
te loessen Ende waert sake dat desse vergaderinghe van priesteren ende clercke verstorve of verstroyet worde
daer got voer syn mote ende daer gheen ghemeen leven [...] en bleve als voirscr. is ende dan die prior van Noerthoern
ende die Rectoer van her Florens huus to Deventer ende vander clerchuus to Zwolle bynnen jaers nyet weder en
besetteden mit priesteren ende clercken so mogen wij die husinghe ende erve weder aen tasten ende besitten mit
allen rechten ende eyghendom als wij dat voir brukeden eer wij dat her Willam voirscr. over gaven beholden dat
timmer dat her Willam voirscr. ende sijne nacomelinghe op der voircsr. stede ghetimmert hadde dart he die were mede
ghebetert hadde dat sollen sij betalen tot uytsprekinge des priors van Noerthoern ende des Rectoers van her
Florens huus to Deventer ende des Rectoers des clerchuses van Zwole inder tijt ende wat daer van quame dat
mochten dan desse drie oerbar vaders voirscr. keren in goddienstige werken waer hem des goet duncket in
die ere godes Weert oec sake dat her Willam of sijn nacomelingen geloeset ende quijt gecoft hadde die tien arnoldus
gulden aling of half dat gelt dat hie dair voir betaelt hadde sold[...] ij [...] nacomelinge den vaders voirscr.
wedergeven die dat oec vieren solden ter eren godes [...] [...] is. Al argelist hier uyt ghesproken In orkun
de der waerheit bezegelt mit onses convents zegel Ende wy hebben ghebeden den p[...] or van Noerthoern her
Derick van Hemen inder tijt Rectoer der clerkehuys van Zwolle ende her Willem voerscr. dit mede te bezeghelen
dat zij prior Theodericus ende Wilhelmus voerscr. ghedaen hebben om bede voerscr. Ghegeven int jaer ons heren
dusent vierhondert neghen ende dertich op sunte [...] gius dach.
Groninghen bekenne ende betugen mit dessen openen brieve voer ons ende onse nacomelinghe dat wy puerlike om die
ere godes te vermeerren ende by rade onser visitierres ende bijchvaders inder tijt overgegheven hebben heren
Willam Wiogboldi prioester in sunte Matynes kerke tot behoef eenre gheestliker vergaderinghe van priester ende
clercken die een ghemeyn leven leyden sollen na insettinghe der vergaderinge bynnen Deventer in her Florens huus
ende to Zwolle inder clercke huys ende onderstandich wesen ons ende guetwilligen menschen inder stat van Groningen
voirscr. onse husinge ende erve ghelegen bynnen Groninghen an die noertsyde van sunte Walburge kerchof daer
westwert ende noertwert naest geleghen sijn der kercken husinge ende erve van sunte Walburge ende oestwert
die wech bylang der stat mure Ende des voirscr. husinge ende erve hebben sij overghegeven ende gheven over heren Willam voirscr. ende synen nacomelinge priesteren ende clarcke vrij ende quijt ewelic ende erflic to bruken ende to besitten
in allen rechten ende eyghendom also wi dat hir to beseten ende ghebruket hebben. Beholden ons ende onse
nacomelinge tien arnoldus arnensen gulden Renten als voir datum des brieves ghemuntet syn ute den voirscr.
huse ende erve jaerlix to boren als een stad recht is Ende hier is togesproken dat her Willam voirscr. ende sine
nacomelinghe priesteren ende clercken moghen desse tien gulden renthen quijt copen mit twe hondert arnoldus
arnensen gulden als voer datum des brives ghemuntet [...] wanneer sie willen niet myn dan die helfte teffens
te loessen Ende waert sake dat desse vergaderinghe van priesteren ende clercke verstorve of verstroyet worde
daer got voer syn mote ende daer gheen ghemeen leven [...] en bleve als voirscr. is ende dan die prior van Noerthoern
ende die Rectoer van her Florens huus to Deventer ende vander clerchuus to Zwolle bynnen jaers nyet weder en
besetteden mit priesteren ende clercken so mogen wij die husinghe ende erve weder aen tasten ende besitten mit
allen rechten ende eyghendom als wij dat voir brukeden eer wij dat her Willam voirscr. over gaven beholden dat
timmer dat her Willam voirscr. ende sijne nacomelinghe op der voircsr. stede ghetimmert hadde dart he die were mede
ghebetert hadde dat sollen sij betalen tot uytsprekinge des priors van Noerthoern ende des Rectoers van her
Florens huus to Deventer ende des Rectoers des clerchuses van Zwole inder tijt ende wat daer van quame dat
mochten dan desse drie oerbar vaders voirscr. keren in goddienstige werken waer hem des goet duncket in
die ere godes Weert oec sake dat her Willam of sijn nacomelingen geloeset ende quijt gecoft hadde die tien arnoldus
gulden aling of half dat gelt dat hie dair voir betaelt hadde sold[...] ij [...] nacomelinge den vaders voirscr.
wedergeven die dat oec vieren solden ter eren godes [...] [...] is. Al argelist hier uyt ghesproken In orkun
de der waerheit bezegelt mit onses convents zegel Ende wy hebben ghebeden den p[...] or van Noerthoern her
Derick van Hemen inder tijt Rectoer der clerkehuys van Zwolle ende her Willem voerscr. dit mede te bezeghelen
dat zij prior Theodericus ende Wilhelmus voerscr. ghedaen hebben om bede voerscr. Ghegeven int jaer ons heren
dusent vierhondert neghen ende dertich op sunte [...] gius dach.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0027 |
| Regestnr. | 040 |
| Register Feith | 1439.001.1 |
| Jaar | 1439 |
| Datumcode | Georgi |