| Nummer:kfh149 | Datum: | Overlevering:Origineel | Vindplaats:Arch. Klerken- en fraterhuis, inv.nr. 0095, reg. 149 |
Ick Gherardus Entens borgher in Groningen bekenne ende tuge myt dessen openen breve dat ic myt
vrijen willen ende rijpen berade ene vaste stade bute ende wissel gedaen hebbe myt heren Johanne
van Monster pater des Clerchuses by sunte Wolburge kerke in Groningen Soe dat ick Gerardus
vorscr. up gedragen ende overgegeven hebbe drage op ende geve over voer my ende myne erfgenamen den
pater ende den broders des clerchuses vorscr. ende oeren nacomelingen tot des selven huses behoeff
derdehalve waer venelandes gelegen in Egester marke oestwert overt deep van welkener
vorscr. vene ene halve waer gelgen is te Yppynge ende ene vulle waer to Wibberdinge
Item ene halve waer to Affkinge ende ene halve waer to Hueskinge myt de dreedeel des
huses dat up dat laetste vene getymmert staet ende dreedeel des sloets die in dat selve
laetste vene vorscr. gelecht is ende oec myt dreedeel der maden daer de sloet doer ghe
graven is. Beholden up Hueskinge halve waer twee mudde roggen ende twee spynt
jaerlix te betalen den ghenen die die myt rechte manen mach. vrij ende quijt eweliken
ende erffliken te besitten ende to gebruken ende oeren vrijen willen daer mede te done. Voer
alsodanich vene als my die pater ende broders vorscr. daer weder voer overgewesen hebben
daer my wal an genoget. Hyr is stockleggen van gescheet inden lnade van Drente als
lantrecht is. daer an ende over waren als buren van Egester marck Helpric van Borck,
Johan ende Hinric Campinge ende Rolef Entens ende meer guder lude genoech In orkonde
der waerheit hebic Gherardus vorscr. mijn segel beneden an dessen breff gehangen Ghegeven
inden jaer onses heren Dusent vierhondert ende neghenendetsestich des iersten saterdages
in adventu domini.
vrijen willen ende rijpen berade ene vaste stade bute ende wissel gedaen hebbe myt heren Johanne
van Monster pater des Clerchuses by sunte Wolburge kerke in Groningen Soe dat ick Gerardus
vorscr. up gedragen ende overgegeven hebbe drage op ende geve over voer my ende myne erfgenamen den
pater ende den broders des clerchuses vorscr. ende oeren nacomelingen tot des selven huses behoeff
derdehalve waer venelandes gelegen in Egester marke oestwert overt deep van welkener
vorscr. vene ene halve waer gelgen is te Yppynge ende ene vulle waer to Wibberdinge
Item ene halve waer to Affkinge ende ene halve waer to Hueskinge myt de dreedeel des
huses dat up dat laetste vene getymmert staet ende dreedeel des sloets die in dat selve
laetste vene vorscr. gelecht is ende oec myt dreedeel der maden daer de sloet doer ghe
graven is. Beholden up Hueskinge halve waer twee mudde roggen ende twee spynt
jaerlix te betalen den ghenen die die myt rechte manen mach. vrij ende quijt eweliken
ende erffliken te besitten ende to gebruken ende oeren vrijen willen daer mede te done. Voer
alsodanich vene als my die pater ende broders vorscr. daer weder voer overgewesen hebben
daer my wal an genoget. Hyr is stockleggen van gescheet inden lnade van Drente als
lantrecht is. daer an ende over waren als buren van Egester marck Helpric van Borck,
Johan ende Hinric Campinge ende Rolef Entens ende meer guder lude genoech In orkonde
der waerheit hebic Gherardus vorscr. mijn segel beneden an dessen breff gehangen Ghegeven
inden jaer onses heren Dusent vierhondert ende neghenendetsestich des iersten saterdages
in adventu domini.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0095 |
| Regestnr. | 149 |
| Register Feith | 1469.006.1 |
| Jaar | 1469 |
| Datumcode | 1SiAdvent |