| Nummer:kfh152 | Datum: | Overlevering:Origineel | Vindplaats:Arch. Klerken- en fraterhuis, inv.nr. 0097, reg. 152 |
Ick Herman Vrijlinck Schulte to Anloe bekenne ende tughe myt dessen openen breve Dat lck van beyden parten als van heren Johanne pater des Clerchuses
by sunte Walburghe kerke in Groningen van weghen des huses aldaer an die ene sijt Ende Johan Uddinge buerman to Egheste an de ander sijt ghe-
eysschet ende ghebeden bin daer an ende over to wesen, dat se scheden ende parten solden sodane mande gueden als daer se omme twistich waren. Daer
Ick van den gherichtes weghen mytten Eerbaren mannen ende buren Eghester marcke als myt heren Gheerde kercheren to Zuedlaren, Wyllem
Wyttinge, Johan Hundes, Bertolt .....aptuens, Jacob Westebrinck, Johan Herwerdinck, Herman Herwerdingk, Egbert Husinge ende myt
meer eerber guder lude ghenoech an ende over ghewest hebben. Dat die parten vorscr. allent dat se to schedene hadden daer se twistich omme
waren leefliken myt makkander ghescheden ende sick verliket hebben. In maneren als hijr nae bescreven is. Int eerste soe is en twee gepaelt
die uterste waer int zuden van Egester marck Huskinghe waer geheten. Daer die zuder sijt den broderen des clerchuses vorscr. ende oeren nae-
comelingen to schede ende to dele gevallen is Ende Iohan Uddinge vorscr. ende sine erffgenamen die noerder sijt vander selver vorscr. waer. Item vanden
huse sal Johan ende sine erffgenamen vorscr. hebben twee gebinde myt ene wamme achter ofte voer an to tasten, woe em des best genoghet
ende die plate over dat ander gebindt salmen af snijden harde an den bande ende wes daer dan blyvet dat sullen hebben die broders des
clerchuses vorscr. daer em Johan vorscr. oft sine erffgenamen bynnen jaers to leveren sullen op dat vene vorscr. by dat vorscr. hues enen balken
twee sulen ende een span sparen Ende der broderen des clerchuses vorscr. meijer sal dat vorcr. hues dit inkomene jaer bewonen buten Iohans
oft sijnre erffgenamen wederkronen Mit vorwerden weert sake dat Johan vorscr. selven yeneghen torf groeve of graven lete int incoe-
mende iaer so mach Iohan vorscr. of die ghene die van sijnre weghen torf graven op synen vene myt der brodere vorscr. meijer mede
in dat solve hues wonen soe lange als se opten vene graven. Item die made by den Schuten sloet hebben de broders des clerchuses
vorscr. ende Iohan vorscr. to mande geholden Ende Iohan vorscr. hevet to ghestaen dat der brodere vorscr. meijer die vorscr. made tot allen tijden
wanneer dattet hoey afghemeyt is myt sinen peerden ende beesten etten mach. Ende tot wat tijden Iohanne oft sinen erfgenamen des verdrote
ende se dat den meijer als vorscr. is niet gunnen en wolden. Alsdan sal Iohan vorscr. dat den broderen vorscr. een verendel jaers to voren
op seggen. In oerkunde ende getuich der waerheit went ick Herman Sculte vorscr. hijr an ende over gewest hebbe myt den buren vorscr. in
steghenwordicheit beyder parten vorscr. als vorscr. is ende al dyt dat vorscr. in soe gehoert ende angeseen hebbe heb ic mijn segel beneden
an dessen breff gehangen Ghegeven inden jaer ons heren dusent vierhondert ende tseventich des saterdages na sunte Valentijns dach des hilligen martelers.
by sunte Walburghe kerke in Groningen van weghen des huses aldaer an die ene sijt Ende Johan Uddinge buerman to Egheste an de ander sijt ghe-
eysschet ende ghebeden bin daer an ende over to wesen, dat se scheden ende parten solden sodane mande gueden als daer se omme twistich waren. Daer
Ick van den gherichtes weghen mytten Eerbaren mannen ende buren Eghester marcke als myt heren Gheerde kercheren to Zuedlaren, Wyllem
Wyttinge, Johan Hundes, Bertolt .....aptuens, Jacob Westebrinck, Johan Herwerdinck, Herman Herwerdingk, Egbert Husinge ende myt
meer eerber guder lude ghenoech an ende over ghewest hebben. Dat die parten vorscr. allent dat se to schedene hadden daer se twistich omme
waren leefliken myt makkander ghescheden ende sick verliket hebben. In maneren als hijr nae bescreven is. Int eerste soe is en twee gepaelt
die uterste waer int zuden van Egester marck Huskinghe waer geheten. Daer die zuder sijt den broderen des clerchuses vorscr. ende oeren nae-
comelingen to schede ende to dele gevallen is Ende Iohan Uddinge vorscr. ende sine erffgenamen die noerder sijt vander selver vorscr. waer. Item vanden
huse sal Johan ende sine erffgenamen vorscr. hebben twee gebinde myt ene wamme achter ofte voer an to tasten, woe em des best genoghet
ende die plate over dat ander gebindt salmen af snijden harde an den bande ende wes daer dan blyvet dat sullen hebben die broders des
clerchuses vorscr. daer em Johan vorscr. oft sine erffgenamen bynnen jaers to leveren sullen op dat vene vorscr. by dat vorscr. hues enen balken
twee sulen ende een span sparen Ende der broderen des clerchuses vorscr. meijer sal dat vorcr. hues dit inkomene jaer bewonen buten Iohans
oft sijnre erffgenamen wederkronen Mit vorwerden weert sake dat Johan vorscr. selven yeneghen torf groeve of graven lete int incoe-
mende iaer so mach Iohan vorscr. of die ghene die van sijnre weghen torf graven op synen vene myt der brodere vorscr. meijer mede
in dat solve hues wonen soe lange als se opten vene graven. Item die made by den Schuten sloet hebben de broders des clerchuses
vorscr. ende Iohan vorscr. to mande geholden Ende Iohan vorscr. hevet to ghestaen dat der brodere vorscr. meijer die vorscr. made tot allen tijden
wanneer dattet hoey afghemeyt is myt sinen peerden ende beesten etten mach. Ende tot wat tijden Iohanne oft sinen erfgenamen des verdrote
ende se dat den meijer als vorscr. is niet gunnen en wolden. Alsdan sal Iohan vorscr. dat den broderen vorscr. een verendel jaers to voren
op seggen. In oerkunde ende getuich der waerheit went ick Herman Sculte vorscr. hijr an ende over gewest hebbe myt den buren vorscr. in
steghenwordicheit beyder parten vorscr. als vorscr. is ende al dyt dat vorscr. in soe gehoert ende angeseen hebbe heb ic mijn segel beneden
an dessen breff gehangen Ghegeven inden jaer ons heren dusent vierhondert ende tseventich des saterdages na sunte Valentijns dach des hilligen martelers.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0097 |
| Regestnr. | 152 |
| Register Feith | 1470.004 |
| Jaar | 1470 |
| Datumcode | SpValent |