Wy borgermestere ende Raed in Groningen betugen myt dessen openen breve dat voer ons is gekomen Johan Tedema ende
bekande voer em ende sine erffgenamen dat hie hevet verkofft upgedragen ende overgegeven den pater ende broders des clerck
huuses by sunte Wolburge kercke in onser stad ende oeren nakomelingen selven huuses vorgen. aldaer die ses gulden rente
daer de breeff van spreken daer desse breeff doer ghetogen is vry ende quyt in allen formen ende manieren to boren (theo
bruken ende to besitten alze de selve breeff daer aff inholdet ende uutwyset voer ene summe geldes die Johan vorscr.
bekande dat em vull ende all is betaelt sunder argelist Dat Orkonde wy myt onser stad zegell Ghegeven inden
jair ons heren dusent vierhundert ende tsoventich des dinxdages voer onss heren hemelvarts dach do Gosen vanden
Grave, Ulgar van Nortdycke, Goosen van Dulk ende Herman Koning borgermestere waeren onser stad.

x

x

Archief	Groninger Archieven
Fonds	Arch. Klerken- en fraterhuis
Toegangsnummer	1237
Inventarisnr.	0165
Regestnr.	153
Register Feith	1469.010.2
Jaar	1470
Datumcode	MaAscDom

x

x

Materiaal	perkament