Wy borgermestere ende Raed in Groningen betugen myt dessen openen breve dat voer ons is gekomen
Evert Hubbelding ende bekande voer em ende sine erffgenamen dat hie hevet verkofft upgedragen
ende overgegeven heren Johanne van Munster pater des clerckhuuses by sunte Wolberge kercke in onser stad
tot des selven huuses behoeff syn andiel dattet sesteyndendiel is van vyff roden landes gelegen
up die Noertmaeden in enen Campe mutten broders vorcr. ende myt Johanne Marissingh Egbert
Huginge ende saligen Randen Wycheringe erffgenamen onverscheiden myt alle sinen tobehoren vry ende
quyt Erffliken ende ewliken to bruken ende to besitten myt allen rechte ende eygendoeme soe als em
dat angestorven ende angeervet is van saligen Hillen Hubbeldinge synre moyen voer ene summe
geldes die Evert vorscr. bekande dat em vull ende all is betaet sunder argelist. Dat Orkonde
wy myt onser stad zegell Ghegeven inden jaer ons heren dusent vierhundert sovenendetsoventich des
vrydages na sunte Mertens dach doe Gosen van Dulk, Johan Tedema, Alert Clant ende
Gharmet Allema borgermestere waeren onser stad.

x

x

Archief	Groninger Archieven
Fonds	Arch. Klerken- en fraterhuis
Toegangsnummer	1237
Inventarisnr.	0028
Regestnr.	181
Register Feith	1477.002
Jaar	1477
Datumcode	VpMartin

x

x

x

Materiaal	perkament