These Jonge Tesens van Elde, Egebert Tesens en Herman Strale, zoons van These, verklaren dat zij verkocht hebben aan Byve, abdis, Ludike, hofmeester, en het gemene convent van Essen de helft van een grote en kleine tiende te Dillicht, waarvan de andere helft al aan het klooster te Essen toebehoort.

Wy Ghese Jonge Tesens van Elde, Egbert Tesens ende Herman Strale ghebroders Ghesens zoene
vorscreven doen kundich allen luden myt dessen openen brieve dat wy vor ons ende vor onse rechte erfgenamen
hebben vercoft ende vercopen in dessen tieghenwordighen brieve vrouwe Byven der abbedissen van
Essen broder Ludiken den hofmeyster van Essen do inder tijt ende den menen Convente tot Essen
onsen halven tenden grof ende smal als die gheleghen is to Dillicht myt al synen to behoren
ende daer die ander helfte van to behort den convente van Essen vorscreven vor eene summa van ghelde
die ons witlike ende wal betaelt is welken vorscreven halven tenden wy Ghese, Egbert ende Herman vorscreven
hebben op ghelaten ende opghedraghen, oplaten ende opdraghen vor ons ende vor onse rechte erfgenamen in
dessen tieghenwordighen brieve vrouwe Byven, broder Ludiken ende den menen Convente van Essen
vorscreven to bruken ende to besitten erflike ende ummermeer. Ende wy Ghese Egbert ende Herman
vorscreven ofte onse erfgenamen solen den tenden vorscreven waren vrouwe Byven, broder Ludiken ende den menen
Convente van Essen vorscreven to bruken ende to besitten ewelike ende ummermeer vor ons, vor onse
erfgenamen ende vor al die ghene die daer myt rechte op spreket. Al arghelist ende nyevonde ut ghe
sproken die den Convente van Essen vorscreven hinderen of schaden moghen. In orkunde der waer
heyt so hebbe wy Ghese, Egbert ende Herman vorscreven onse zeghele vor ons ende onse erfgenamen to eenen
tughe an dessen brief ghehangen. Ghegeven int jaer ons heren duzent driehondert ses ende
tneghentich des zaterdaghes na Pinxtern.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	177
Regestnr.	53
Olim	Arch. Klooster Essen, inv.nr. 4, reg. 14. Reg. Feith 1396.6.
Jaar	1396
Datumcode	SpPentec

x

x

Commentaar	Met de zegels van Egbert en van Herman; het zegel van These Jonge Tesens is verloren

x

Materiaal	perkament

x

Edities	Oorkondenboek Groningen en Drente, nr. 929 (ogd0929).

x