Frederic van Blankenhem, bisschop van Utrecht, heeft gemachtigd Gerart ter Maet, ambtman van Selwerd, tot het ruilen van enige stukken van een goed dat het Olde Convent in erfpacht heeft van het Sticht tegen ander land.

Frederic van Blanckenhem, bi der genaden Goets bisscop to Utrecht, maken kont allen luden dat wij Gherart ter Maet, onsen amptman indertijt
in den gherichte van Zeelwerden, bevolen hebben ende mechtich gemaect sommige stuck lants die hoeren in dat Menichvoldige guet dat
die meystersche ende die joncfrouwen van den Olden Convent bynnen onser stat van Gronynghen van ons ende onsen ghestichte in
enen erffpacht hebben te verwisselen om ander lant, alsoe veer als men dat Menichvoldige guet voers. daer mede verbetert ende nyet
verergert. Ende want wij van der meystersche ende van den joncfrouwen des Olden Convents voers. hier om ghebeden syn die wisselinghe
voers. laten te gheschien, soe hebben wij voer ons ende voer onse nacomelinge bisscopen to Utrecht onse oirloff daer toe ghegeven ende
gheven mit desen onsen brieve ende willen dat dat erfflic ende ewelic vast ende stede bliven sall. Des tot enen oirkonde hebben wij onsen
segel aen desen brieff doen hangen Gegheven to Deventer in den jaren onss Heren duysent vierhondert ende elven jaer des elfften
dages in ianuario

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	383
Regestnr.	84
Olim	Arch. Olde Convent, inv.nr. 52, reg. 1. Reg. Feith 1411.8.
Jaar	1411
Datumcode	1101

x

x

Commentaar	Met het zegel van de bisschop

x

Materiaal	perkament