Folkeer van Echten en zijn zoon Johan van Echten heeft ontvangen van de keldermeester en het convent te Essen 15 gulden voor een tiende te Helpman die het klooster heeft afgekocht, en zij verklaren kwijt te schelden de rest van de verschuldigde som en dragen deze tiende aan het klooster over.

Wy Folkeer van Echten ende Johan van Echten ziin zoene doen kundich allen luden ende bekennen voer ons ende voer onse erf-
ghenamen myt dessen openen brieve dat ons de kelner van Essen heft ghegheven ende betaelt van des convents weghene to
Essen vorscreven vijftien gulden van den lesten daghe alse van tienden to Helpman de ghelegen is over des vorscreven convents erve
ende oec ander lude erve den zie ons af ghecoft hebben ende wal betaelt den lesten pennync myt den eersten. Also dat wy hem
danken guder betalynge ende schelden zie qwijt van den alyngen ghelde dat zie ons ghelovet hadden van den vorscreven
tienden. Ende gheven over ende draghen op den vorscreven tienden to Helpman voer ons ende voer onse erfgenamen den vorscreven convente tot Essen
erflike ende ewelike to bruken ende to besitten ende oren vrien willen mede to doene sunder al arghelist. Hijr weren an ende over
Tydeman Werners zoen borgher to Gronyngen, Dyricus van Waghenyngen ende Alle Bolema. In orkunde ende bekennisse der waer-
heyt zoe hebben wij Folkeer ende Johan van Echten vorscreven onse seghele voer ons ende voer onse erfgenamen an dessen brief ghehan-
gen. Ghegeven in den jaer ons heren dusent vierhundert twe ende twintich in des hilghen crucis daghe Invencionis.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	184
Regestnr.	112
Olim	Arch. Klooster Essen, inv.nr. 4, reg. 20. Reg. Feith 1422.17.
Jaar	1422
Datumcode	InvCru

x

x

Commentaar	Met de zegels van Folkeer van Echten en van Johan van Echten

x

Materiaal	perkament

x