Burgemeesters en raad te Groningen verklaren dat Ghertruud, dochter van Johan Bozen, voogdes van haar halfbroer Jarich, verkoopt met toestemming van broeder Johan van Staveren, oom van Jarich, en van Egbert van Banlo en Hillebrandt Schinkels, voogden van Jarich, aan Johan Hughing de venne land, bedoeld in de hierbij getransfigeerde akte.

Wy Borgemeystere ende raed in Groeningen bekennen ende betughen myt desen openen
breve dat voer ons is ghecomen Ghertruud Johan Bozen dochter voerwarersche
Jarich oers halfs broders ende becande dat sie heft vercoft van Jarix weghen vorscr.
Johanne Hughing een venne landes daer die brief af spreekt daer desse brief doer ge-
toeghen is voer een summe geldes die Geertrud vorscr. becande dat oer vul ende al is
betaelt is toe Jarix behoef vorscr. Ende desse vorscr. venne landes droech op ende gaff
over vrij ende quijt Geertruud vorscr. voer Iarix vorscr. ende voer sijn erfgenamen Johan Hu-
ghincg ende synen erfgenamen myt allen rechte ende eghendome ewelick ende erflick
toe bruken ende toe besitten Ende desse vorscr. coep ende oplatinge is gheschien by consent
ende vulboert broder Johans van Staveren Iarix oem voerscr. ende by consent Egbers
van Banlo ende Hillebrant Schinkels ghesworene voeghede Jarich vorscr. Dat orkun-
de wy myt onse stad segel ghegeven in den iaer ons heren duusent vierhondert ende
acht ende twintich in Sunte Ponciens dage doe Bruen Clinge, Lubber Leeu
Dutmer Regners ende Otto Clant borgemeystere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 036r
Regestnr.	126
Olim	Arch. Klooster Selwerd, inv.nr. 1, reg. 23.
Jaar	1428
Datumcode	Pontia

x

x

x

Materiaal	perkament