Burgemeesters en raad te Groningen verklaren dat Engbert in 't Hoff heeft gehuurd van ministerse Lamme Eysinge en de zusters van het Olde Convent een hofstede aan de zuidzijde van de Uurwerkersgang ('Mennichvoldichstrate') voor een jaarlijkse huur van 6 1/2 gulden.

Wy Borghermestere ende Raed In Groningen bekennen ende tughen mit dessen openen breve dat voer ons is gheco-
men Engbert ynt Hoff ende bekande voer em ende syne ergenamen dat he heeft ghehuert tot ewigher hure van Lamme Ey-
singe der meistersche der zusteren vanden olden convente in onser stad ene hofstede van drien roden lang ende voer
van vier ende twintich voete breet ende achter ynt zuden derde halve rode ende twe voete breet voer sovenden halven gulden
des jaers tyen olde vlemessche grote voer elken gulden gherekent off ander payment dat daer guet voer is jaerlix
te betalen als een stad recht is Ende voer een kroes wijns elkes jaers te betalen to paesschen. Dese voerscr. hofstede is
ghelegen up de zuet syde van Mennichvoldichs strate up de horne daer der zusteren voerscr. erve naest by licht an bey-
den syden up de oester syd ende up de zuet syde. Dat orkunde wij mit onser stad seghel Ghegeven inden jaer onss heren
dusent vierhondert acht ende twintich up sunte Valentijns dach doe Bruen Klinge Lubbert Leuwe Doetmar Ren-
ghers ende Otto Clant borghermeistere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	382
Regestnr.	127
Olim	Arch. Olde Convent, inv.nr. 20, reg. 5. Reg. Feith 1428.3.
Jaar	1428
Datumcode	Valent

x

x

Commentaar	Met het stadszegel

x

Materiaal	perkament