Notaris Ghisebertus Visscher verklaart dat Otto Clant, Henricus Herdebrinck en diens zoon Johannes, burgers van Groningen, Johannes Ludekini en diens zoon Johannes en Pernerus, Bertoldus en Johannes Hinkens, Johannes Knotte en Magnus Heyno, gevolmachtigde van Johannes Hundeberch, een landruil aangaan met heer Henricus, prior van het klooster Essen, van landen nabij Helpman gelegen.

In nomine domini amen. Anno a nativitate eiusdem millesimo quadringentesimo vicesimo octavo indictione
sexta mensis marcii die undecima hora none vel quasi pontificatus sanctissimi in Christo patris ac domini nostri domini
Martini divina providencia pape quinti anno undecimo in mei notarii publici testiumque infrascriptorum ad hoc
vocatorum et rogatorum praesencia personaliter constitutus honesti et discreti viri Otto Clant et Henricus Herdebrinck
cum Johanne filio suo opidani in groningen Johannes Ludekini cum Johanne er Bernero filiis suis Bertoldus et
Johannes Hinkens fratres carnales Johannes Knotte et magnus Heyno reddituarius seu officiatus providi viri Johannis
Hundeberch de consensu ut asseruit eiusdem layci Traiectensis diocesis sponte et publice recognoverunt et asse-
ruerunt et quilibet eorum divisim recognovit et asseruit quod sano consilio et matura deliberacione praehabito
pro integrando agros suos hic et ibi in diversis locis situatos quandam cum honorabili et religioso viro domino Hen-
rico priore conventus in Essen ordinis cisterciensis fecerunt agrorum permutacionem et de facto permutaverunt sic quod eorum
quilibet pro se et suis heredibus praefato domino Henrico priori ad opus conventis praedicti cum permutacionis ore et manu tra-
didit, supportavit et resignavit quosdam de suis agris sitis a parte meridionali iuxta Helpman specialiter
nominatos mensos aut mensuratos ...sos ac signatos cum omni jure proprietatis et dominii in perpetuum possidendos
omni modo et forma ac si praedicti agri eorum confiniis ac limitacionibus specialiter in praesenti instrumento nominati essent et
conscripti. In quorum agrorum praedictorum permutacionem et resignacionem quilibet ipsorum praedictorum quaedam stipitem quae in suis
tenebat manibus secundum consuetudinem terre Drenthie dicto domino Henrico priori ad opus conventus praedicti in terram
proiecit quod praefatus prior causa permutandi nomine conventus ad se recepit. Pro quibus agris praedictis sic ut praefertur
traditis permutatis et resignatis memoratus dominus Henricus prior statim et incontinenti recognovit et asseruit
se matura deliberacione praehabita pro utilitate praedicti conventus in Essen causa integrandi et adimandi agros conventus
dispersim situatos quandam viceversa fecisse agrorum permutacionem cum praedictis Ottone, Henrico et suo filio Johanne
Johanne cum suis filiis Johanne et Bernero, Bertoldo et Johanne fratribus, Johanne et magno Heynone et eorum quolibet
divisim. Sic quod dictus prior ore et manu ipsis et eorum cuilibet separatim permutandi tradidit cessit et resigna-vit
quosdam agros conventus praedicti sitos a parte meridionali prope Helpman nominatim et specifice mensos et
signatos ac si eorum confiniis et limitacionibus in presenti instrumento nominati essent et conscripti cum omni jure et proprieta-
te perpetuis temporibus possidendis Et pro maiori robore firmitatis praedictus prior quaedam stipitem quae in suis
tenuit manibus ipsis omnibus et singulis praedictis eorum cuilibet divisim secundum consuetudinem terre Drenthie hactenus
observatum in terram piecit ..... ipsorum quilibet separatim ad se recepit. Super quibus omnibus praedicti ab utraque
perte sibi per me notarium publicum unum vel plura instrumentum seu instrumenta fieri pecierunt. Acta fuerunt hec in agris
iuxta Helpman a perte meridionali. Sub anno, indictione, mensis die, hora et pontificatu quibus supra. Praesentibus
ibidem religiosis viris fratribus Ludekino et Lubberto conversis conventus praedicti, Henrico de Osnaburgo et Berteldo
filio Alberti laycis dicte Traiectensis diocesis testibus ad praemissa vocatis specialiter et rogatis.
Et ego Ghisebertus Visscher de Ummen clericus Traiectensis diocesis publicus imperiali
auctoritate ac ordinaria adnissione notarius praemissis permutacioni, resignacioni stipu-
lacioni seu stipi... proie.. ac omnibus aliis supradictis dum sic ut praemittitur fierent
et agerentur una cum praenominatis testibus praesens interfui. Ea que sic fieri vidi et audivi
ideo hoc praesens publicum instrumentum manu mea propria scriptum exinde confeci in hanc publicam
formam redegi Signoque et nomine meis solitis et consuetis signavi rogatus et in
testimonium requisitus.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	135
Regestnr.	128
Olim	Arch. Klooster Essen, inv.nr. 4, reg. 21. Reg. Feith 1428.14.
Jaar	1428
Datumcode	1103

x

x

Materiaal	perkament

x