Rytseko en Liutheke, echtelieden te Uithuizermeeden, gaan een landruil aanmet het klooster Wijtwerd, waarbij het klooster krijgt Sygirsmaheem te Helwerd onder Usquert en 24 honderd land, en Rytseko en Liutheke krijgen land te Uithuizen, dat het klooster verworven heeft van broeder Atto Allama en zuster Asse bij hun intrede.

Wy Rytseko ende Liutheke echte liude in den kerspil uppa Medum doen kundich ende oepinbaer allen liuden de dessen breef zyn off hoeren lezen Dat wy myth
vasten upzate ende fullen byrat hebben maked myth den Commendur ende den mentis liuden tho Wytwerth eyn euigh ende vast lantwissil in aldus daen maner Dat wy
vry ende verdich hebben ovirdraghin ende draghen ovir den Commendur ende den convente tho Wytwert vorsc. ende allen horen naekomelinghen Sygirsma heem in
den buren tho Helwerth ende in den kerspil tho Usquarth gheleghin Item dre hunderd landis in den canpe by den heem vorsc. Item in den naesten canpe byder northir
zyde eyn hunderd Bawe Gaykama by ther northir zyde tho der swetha Item twe hunderd dir ghenaemed zynt Sundir lande Bawe vorsc. byder astir zyde ende
westir zyde tho der swetha gheleghin is Item ver hundir dir Bawe vorsc. van beyde zyden tho der swet. is Item dre hunderd thie Bawe by der astir zyde
ende Ayliko Onnama by der westir zyde tho der swet. gheleghin zynt Item achte hunderd in da Addingha fenna by der northir zyde des wegis Item twe
hundird in dir tilfenna Bawe by thir northir zyde tho ther swet. Item eyn hunderd dat leghin is by northir zyde de wegis tyeghin des conventis nya
qufenna zunderling by gravin Des hebben uns de Commendur ende de convent tho Wytwerth vorsc. wethir ghevin ende ovir draghin lant ende erve dat den
convente an komin is van Atto Allama ende Assen horen horsamen broder ende sustir dat gheleghin is in den kerspil tho Uuthusum Daer uns wal an by-
noghet Waerumme zo gheven wy Rytseko ende Liutheke den commendur ende den convente tho Wytwerth vorsc. ende allen horen naekomelinghen vry or-
liff dit vorsc. lant tho bruken tho vorsetten tho vorkopen tho vorwisselen ende allen horen vryen willen daer methe tho doen in dat euyghe Alle ar-
ghelist ende nye vynden affghezeghit In eyn oerkund der waerheyd zo hebben wy Rytseko ende Liutheke vorsc. ghe bethin de erbaeren mans her Scha-
ten ende her Ayliken Cureten uppa Medum ende tho Usquarth ende wy her Schato ende Ayliko her umbe bethe wille Rytsekens ende Liuthekens hebben unze Segill.
By nethin an dessin breff ghehanghin Int jaer als men scr. Duzent veerhunderd ende eyn unde dertych up zunte Scolastiken dach der
heelygher juncvrowens.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	282
Regestnr.	141
Olim	Arch. Klooster Wijtwerd, inv.nr. 19, reg. 55. Reg. Feith 1431.6.
Jaar	1431
Datumcode	Schola

x

x

Commentaar	Met de zegels van Schato en Ayliko, pastoors resp. te Uithuizermeeden en Usquert

x

Materiaal	perkament