Burgemeesters en raad te Groningen verklaren dat Bertolt Wycheringh meegeeft aan zijn dochter Oede als bruidsschat voor Gosen van den Grave, een steenhuis aan de zuidzijde van de Brugstraat, een jaarlijkse rente van 3 oude Franse schild, een jaarlijkse rente van 16 gulden en 5 grazen land in Oesterhemrik; voorts dat Witeke Solleders, de tante van Odeke, meegeeft aan haar als bruidsschat 9 grazen land Noorddijk.

Wij borgermeystere ende raed in Groningen bekennen ende tughen mit dessen openen breve dat voir ons ghekomen is
Bertolt Wycheringh bekennende dat he ghegeven heft ende gaf mit Oeden, zijnre dochter, toe boedele Gosen vanden
Grave sodane husinge renthe ende erve als hyrnae ghescreven staen vrij ende qwijt mit allen rechten ende eghendoem
erfliken ende ewelicken te bruken ende te besitten Inden yerste een stenhuys mit zynre hofstede ende mit al zyn toebehoren
gheleghen in de zuytside van der Bruggestrate opten oesterhueck van der cleyne strate, daer Albert lutteke
Egberts zons huys over deselve kleyne strate naest bij leghet opter westersijt, ende daertoe drie olde franxsche
schilde renthe ofte payment dat daer guet voir is, jaerlix te boren als stadrecht is uut Albert Jarichs sten-
huys ende hofstede, gheleghen in de zuytside van der Lange strate opter westerhorne van Gaddingestrate daer
Helprick Rotyden stenhuys, dat Schulten huys gheheten is, bij leghet over de voirs. Gaddingestrate opter oester
sijt ende sesteyn gulden renthe paymentes als in Groningen ganck ende gave is, in Albertis toe Broeke huys ende
hofstede gheleghen in der oestersijt van Oesterstrate daer des selven Alberten huys naest bij leghet op die
noirtside. Item vijf grase landes in een kamp van teyn grase landes daer Ludekyn Evert Wigboldis zone
die vijf grase van toe horen ende is gheleghen inder oester hemrick daer her Ludekyn Vlemigen land naest by
leghet opter westersijt. Voirtmeer qwam voir ons Witeke Solleders der voirscr. Oeden moeye bekennende
dat zie der selven Oeden ore nichte mede ghegeven heft ende gaf toe boedele neghen grase landes gheleghen
by Eppen huys toe Noirdyke vrij ende qwijt erfliken ende eweliken te bruken ende te besitten mit Gosen voirscr. Dat
orkonde wij mit onser Stad zeghele. Ghegeven in den jaer ons Heren dusent vierhondert vierendedertich, des
naesten dagen nae Sunte Remigius daghe, do Bruyn Klinge, Otto Klant, Ludekyn Evert Wigboldes
zone voirgen. ende Evert Jarichs borgermeystere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	392
Regestnr.	157
Olim	Arch. Olde Convent, inv.nr. 19, reg. 10. Reg. Feith 1434.14.
Jaar	1434
Datumcode	cRemigi

x

x

Commentaar	Met het stadszegel

x

Materiaal	perkament