Syko Schroeder en zijn vrouw Waveke, woonachtig te Baflo, verpanden aan Aelrick te Maarslag en Aweke, echtelieden, 1 1/2 juk land in Saaksumhuizerhamrik.

Wy Syko schroeder ende Waveke echte lude woenende toe Bafflo bekennen
ende betugen in dessen openen brieve Dat wij insetten hebben laten mit die
rechters Aelrick toe Maerslacht ende Aweken synen wive Anderhalf iuck
landes vor twie ende twintich arnems gulden Die Waveke vorscreven Aelrick schul-
dich is ende desse vorscreven schult hevet Thiart ende Waveken eerste man toe sa-
men angelecht Dit vorscreven land is gelegen in Xaxumhuester hemmerick gehie-
ten Rytzeken camp by der oesterzijd Daer Xaxumhuester hilligen notwech
by der oester zyde naest licht ende Waveken land lecht by der wester zijde
in den selven camp Dit vorscreven land geve wy Sicko ende Waveke vor ons
ende onsen erfgenamen vor Sybbe ende sweede Aelrick ende Aweke vorscreven ende oren erfgenamen
vry ende veerdich eewelick ende erflick to bruken toe besitten ende oren vrijen willen daer me-
de toe doen wes em genoeget sonder al argelist. In orconde soe heb ick meister Hen-
rick persona toe Bafflo mijn zegel an dessen brieve gehangen om bede wille Sicko
ende Waveke vorscreven gegeven in den iaer ons heren Dusent vierhondert een ende veertich
Opp sunte Vitalis dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 134r
Regestnr.	204
Olim	Arch. Klooster Selwerd, inv.nr. 1, reg. 54.
Jaar	1441
Datumcode	Vitali

x

x

x

Materiaal	perkament