Lubbeke Hilkama en Elle, echtelieden te Lutkesaaksum ('Saxum'), verkopen aan Haert, pastoor te Lutkesaaksum, negen forlingen land in Lutkesaaksumerhamrik.

Kundich ende openbaer seet allen luden de dessen breeff sullen seen ofte horen lesen dat wy Lubbeke Hilkama
ende Elle echte lude wonende to Saxum hebben vercoft myt gueden voerberade her Haert cureet to Saxum neghen
forlinge landes in Saxummerhammerick int eerst ses forlinge welke ses forlinge her Haert selven lygghende
ys up de wester syde ende Tete to Baffelt up de oester ter swetten ys lygghende Ende dre forlinge daer War-
phummermonyken up de oester syde ende Asse to Saxum up de wester ter swetten sint lygghende Welk vorsc. lant
ons Lubbeke ende Elle vorsc. wul ende al betaelt ys den eersten pennyng myt den lesten Waer omme so gheven wy
her Haert dyt vorsc. lant vry ende veerdich to bruken to setten to wessellen to verkopen voer alle de ghene de
daer myt rechte up spreken moghen alle arghelist ende nye wunden uutgheseget hiir hebben by an ende over
ghewesen Abele to Saxum ende Bole to Mensingwere wedmans to Saxum wedmans wyse to gheropen ende ghebeden
Ende um merre vestenisse wyllen went yck Lubbeke selff ghen seghel een bruke so hebben wy ghebeden
den eerbaren man meister Anthonius persoen to Baffelt voer ons ende over ons dessen breff to beseghellen Ende yck
Anthonius hebbe myne seghel byneden an dessen breeff ghehanghen um bede wyllen Lubbekens ende Ellens
vorsc. Ghegeven in jaer ons heren dusent CCCC^o ende viifendeviertich des saterdages na sunte Andreas dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	260
Regestnr.	226
Olim	Arch. Klooster Wijtwerd, inv.nr. 14, reg. 69.
Jaar	1445
Datumcode	SpAndree

x

x

Commentaar	Met het zegel van meester Anthonius, persona te Baflo

x

Materiaal	perkament