Johan Horniken, ambtman en schout van het gericht van Seleworde, oorkondt dat Johan Elderwolt en Zwarte Bernt, burgers van Groningen, hebben overgedragen aan het convent van Essen bij Groningen een stuk land, geheten de Reytmaden en gelegen in Nederwolde, in ruil voor een vrije afscheiding van Olbrandesland.

Ick Johan Horniken amptman ende schulte des gherechtes van Seleworde bekenne ende tuge in dessen
openen breve dat vor my zin gekomen Johan Elderwolt ende Zwarte Bernt borghers in Groninge
wijtlick bekennende dat sie vor hem ende oren erffgenamen hebben upgedragen ende over gheven vor ene vrie
affscedinge van Olbrandes lande den covente to Essen by Groningen een stucke landes de Reyt maden
gheheten in Nederwolde gheleghen dar Ludeken Wattens nast is ghelandet ande zuet zijt ende
buerheer an de noerder zijt vrie ende quijt erfflike ende ewelike to bruken ende to besitten ende dat
convent synen vrien willen dar mede to done sunder bekronen ende Johans ende Berndes vorscreven off oren erffgenamen
ovelenmoet. Voertmeer zoelen Johan ende Bernt vorscreven erfflick ende ewelick besitten, hebben ende bruken
Olbrandes lant altomale dat sy gelegen waer dat ock ghelegen is sunder ienich ansprake den
covente to Essen vorscreven dar meer up to hebbene to ghinen tijden tokomende ende sunder argelijst.
In orkunde der waerheit hebbe ich Johan inder tijt schulte des gerichtes to Seleworde vorscreven myn segel
an dessen breff ghehangen. Gegheven inden jaer ons heren M^oCCCC^o ende sevenendeviertich des vriedagen
na sunte Lucien dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	148
Regestnr.	245
Olim	Arch. Klooster Essen, inv.nr. 8, reg. 39. Reg. Feith 1447.23.
Jaar	1447
Datumcode	VpLucie

x

x

Commentaar	Met het zegel van Johan Horniken

x

Materiaal	perkament

x