Berent Assenzoen te Souwert verklaart te hebben geruild met zijn broer Hermen Assens, woonachtig op het Nyenhuus te Suudwolde, een half heem met toebehoren te Zuetwolde, Pustamaheert genaamd, en de helft van twee "valderen" ten zuiden van de heem en de laan naar de Wolmenwech, in ruil voor twee grazen in de Westervenne ten noorden van de genoemde laan, welke verklaring bezegeld wordt door Johannes Monetarii, pastoor te Zuutwolde, en Wolterus, pastoor te Souwert.

Ick Berent Assenszoen woenende to Souwert Bekenne ende tuge
mit dessen openen brieve vor my unde vor mijnen erffgenamen Dat ick heb verwis-
selt mit enen steden vasten wissel Hermen Assens mijn broeder woenende to
den Nyenhuus in den kerspel to Suudwolde een halff heem ghehieten Pustama-
heerd mit syn to behoer gelegen in den kerspel to Zuetwolde mit die helffte
van den twe valdere gelegen op die zuder zijd an dessen vorscr. heem unde mit
ter lane der van dessen vorscr. heem strecket an opp Woltmen wech daer Evert
goede Gheerdes is bij liggende mit sijnen erve opp die zuder zijde langhes
ter zwette unde Zelwerder monneken sint gelegen mit oren erve opp der noerder
zijd an dessen vorscr. heem ter zwette unde Berent vorscr. is gelegen to den wester
einde van dessen vorscr. heem unde op die noerder zijd van desse vorscr. laen ter zwet-
te mit eenre vennen ghehieten die wester venne om twe graze landes die
gheleghen synt in die wester venne vorscr. daer my Berent vorscr. vul ende al
by wijset synt nae mijnen brieve Hijr om soe draghe ick Berent vorscr. dit
vorscr. halve heem unde halve tuen valder mit der laen op unde gheve over
vor my unde mijnen erffgenamen Hermen vorscr. unde sijn erffgenamen erfflick unde ewelick
to bruken to besitten to vercopen unde to verwisselen unde alle sijnen vrien
willen daermede to doen wes em genoeget all arge sit unde nije vonden
uutgesecht Hijr hebben an unde over gewest wedmans in den rechte to Zuud-
wolde unde Eillert unde Assert Buren to Zuetwolde unde Reint to den Suepp-
huus wedmans wijse hijr to geropen In orkonde der waerheit Soe heb-
be ick Berent vorscr. gebeden her Johannes Monasterii cureet to Zuutwol-
de dessen breeff vor my to bezegelen want dit vorscr. erve in sijnen kerspel
gelegen is unde om die mere vestenisse Soe heb ick mede gebeden Heer Wol-
ter cureet to Souwert mijnen hovetpreester dessen breeff to bezegelen unde wij
Wolterus unde Johannes cureten vorscr. hebben onse zegelen beneden an dessen breeff
ghehangen um bede wille Berents vorscr. ghescreven int Jaer ons heren dusent veer-
hondert neghen unde veertich Des vrijdages vor sunte Vitusdach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 111v
Regestnr.	260
Olim	Arch. Klooster Selwerd, inv.nr. 1, reg. 96.
Jaar	1449
Datumcode	VaViti

x

x

Materiaal	perkament