Burgemeesters en raad te Groningen verklaren dat Henrick Bruens en zijn vrouw Gheertruud hebben verkocht en bij stoklegging overgedragen aan de ministerse en de zusters van het Olde Convent in de stad 5 roeden veen met huis en heem, gelegen in Zuutlarermarke ten oosten van het Diep.

Wij Borghemestere unde Raed in Groningen bekennen unde betu-
tugen (sic) mit dessen openen breve dat vor ons synt gecomen Henric Bruens
unde Gheertruud sijn echte wijff unde becanden dat sie vercofft hebben unde opp-
gedraghen droeghen opp unde gaven over vor em unde oren erffgenamen vrij unde
quyt eweliken unde erffliken to gebruken unde to besitten der minstersche
unde gemenen susteren van den Olden Convente in onser stad vijff roeden vennes
unde een veerndel van eenre roeden mitten huse unde mit dat heem dat daerom
langhes dat huus gelegen is unde onbegraven is unde mit al sijn to behoeren
om een summe geldes die Henrick unde Geertruud becanden dat em vol unde al
is betaelt daer Henrick unde Gheertruud vorscr. den vorscr. susteren den stock
ligginghe gedaen hebben van ne gewoente des landes daer dat vorscr. veen
gelegen is Daer an unde over waren als buren van Zuutlaren Alert Coninck, Fre-
derick Kenema unde Claes Korenpoerting unde ander gude lude meer. Dit vorscr.
veen is gelegen in Zuutlarer marcke op die oesterzijd des diepps daer op die
noerder zijde bij gelegen is Gheert ten Zijl unde Meertens sijns steeffsdochter
veen sonder alle argelist In orconde der waerheit heb wij onze stad zegel
an dessen breeff gehangen in den iaer ons heren Dusent vierhon-
dert neghen unde veertich Des vrijdages na sunte Margareten dach Doe Lude-
ken Wigboldes Evertssoen, Albert Jarichs, Gosen van Dulck ende Evert Wigbol-
des Borgemestere waren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 116r
Regestnr.	263
Olim	Arch. Klooster Selwerd, inv.nr. 1, reg. 99.
Jaar	1449
Datumcode	VpMargar

x

x

Materiaal	perkament