Burgemeesters en raad te Groningen verklaren dat abdis Wibbe Hubbeldinge en de gemene oudermannen van het convent te Assen hebben verkocht aan Wilhelmus Hyddinge de helft van het "holt en land" te Kolhamme, dat aan het convent was gekomen door de toetreding van Gheze, weduwe van Henrick Hubbeldinge.

Wy borgermestere ende Raed in Groningen bekennen ende tugen myt dessen openen breve dat voer ons is ghekomen Wibbe
Hubbeldinge inder tiit abdisse to Assen ende ghemene oldermans des conventes vorscreven ende bekanden dat sie hebben vercofft,
upghedraghen ende overghegeven voer em ende oere nakomelinghe Wilhelmo Hyddinge ende synen erffgenamen die helffte van
alsodane holt ende land also salighe Henrick Hubbeldinge ende Gheze syne weduwe to Kolhamme hadden ligghende myt
alle synen tobehoer also dat den convente vorscreven myt Ghesen vorscreven die nu indat convente vorscreven ghegaen is anghekomen
is vry ende quijt, ewlike ende erfflike, myt allen rechte ende eghendoeme to bruken ende to besitten ende synen vryen willen
daer mede to doene voer ene summe geldes die sie bekande dat em vull ende all betaelt is. Dyt vorscreven holt ende land is
ghestreckt sued ende noerd daer Hibele Coeps erve naest bylicht up die oester siide ende up die wester syde Thesinge conventen
erve. Dat orkonden wy myt onsen stad seghell. Ghegeven inden jaer ons heren dusent vierhundert twe ende viifftich
up sunte Servacius dach doe Johan ter Brugge, Gosen vanden Grave, Ludeken Everts ende Johan van Ballen borgermestere waeren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	139
Regestnr.	295
Olim	Arch. Klooster Essen, inv.nr. 9, reg. 41*.
Jaar	1452
Datumcode	Servat

x

x

x

Commentaar	Met het stadszegel van Groningen

x

Materiaal	perkament

x