Johan Potter, raadsheer van Groningen, verklaart dat Johan Husynge te Ees heeft verkocht en bij stoklegging overgedragen aan Albert Delynge een jaarlijkse rente, groot vier mudden rogge, benevens alle goederen die hij en zijn vrouw bezitten onder de klokslag van Borger en in de marke van Ees; de rente kan afgekocht worden met achttien arnhemse guldens en zeventien "butkens" per mud.

Ick Johan Potter inder tyt raedman in Groningen betuge myt dessen openen breve dat voer my is gekomen Johan Husynge to
Eess ende bekande voer em ende synen erffgenamen dat hie hevet verkofft, upgedragen ende overgegeven Albert Delynge ende synen erffgenamen vry
ende quyt eweliken ende erffliken to bruken ende to besitten vier stede mudde rogge renthe Groningher maten over alle alsodane
guede ende erve also hie ende syn huusfrouwe liggende hebben onder clocken van Borgeren ende inder marke van Eess jaerlix
bynnen Groningen to leveren voer ene summe geldes die Johan vorscreven bekande dat em vull ende all is betaelt. Hiir is togesproken dat
Johan vorscreven offte syne erffgenamen desse vorscreven vier stede mudde rogge mogen aff ende quyt kopen wanneer em des genoget elk mudde
myt achteyn arnemsche guldene soventeyn butkens voer datum dessbreves gemuntet offte payment dat daer guet voer is voer
elken gulden gerekent. Hiir is stockleggynge van gedaen als dat recht is in tegenwordicheijt der bueren to Eess die daer
an ende over gewest hebben als Roloff Husynge, Henrick Wyltinge, Aernt Yddikinge ende Wyllm Yddikinge. In orkond
hebbe ick Johan Potter vorscreven omme bede wylle Johans vorscreven myn segell an dessen breeff gehangen. Ghegeven inden jaer ons heren
dusent vierhundert drie ende vyfftich up meydach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	113
Regestnr.	305
Olim	Arch. Klooster Essen, inv.nr. 2, reg. 43. Reg. Feith 1453.12.
Jaar	1453
Datumcode	Mei

x

x

Commentaar	Met het zegel van Johan Potter

x

Materiaal	perkament

x