Johannes Schuttorpp, vicaris te Covorden, Borck en Gasselte, oorkondt dat zijn dienstmaagd Tielke na zijn dood een som van 95 arnhemse guldens krijgt.

Ic Johannes Schuttorpp priester vicarius to Covorden, to Borck ende to Gasselte kenne ende tuge openbaer in dessen breve voir my ende myn
testamentoers ende erfgenamen dat ic sculdich byn van rechter witliker scult als van gueden reden geleenden gelde ende van verdienden lone
Tielken mynre maget nu ter tijt vyff ende tnegentich aernemsch gulden vyff jager off tijn vliegher die men to Groningen slaet
voir den gulden gerekent in aldusdanen vorworden weert sake dat Tielken myn maget vorscreven afflyvich worde eer ick Johannes vorscreven
so sall dit gelt alynck qwyt ende doet wesen also dat ic daer ghene maninge off last van lyden sall van oeren erfgenamen. Mer daer
voir sall ic sie na oerre doet besorgen voir oer siele bidden so lange ic leve ende oer kerkenrecht ende groeve opp myn cost laten
geschien mit provanden ende anders also oerre sielen noet is ende gewoentlic is daer sie dan storve. Ende wert oic sake dat ic
Johannes vorscreven afflivich worde eer Tielken voirscre-ven, so sall Tielken dat gelt boeren ende heffen uut all mynen her Johans
nagelatenen guede waer ic dat hebbe erffnisse rede guet ende ander huessraet hoe dat genoempt is ende waer dat gelegen is
sonder wederseggen ende bekroen mynen testamentoers ende erfgenamen. Ende die selve Tielken sall so lange blyven in alle mynen
nagelatenen guede ende dat bruken ter tyt toe myn testa-mentoers oer dat gelt voll ende all wall betalt hebben den lesten pennyng mit
den iersten. All argelist ende quade vonde hier an uutge-secht. Hier weren over ende an daer dese voirworde ende rekenscapp geschiede
die eirsame her Saryss kercher to Borger, Rutger van Hueswerden inder tyt Rentmester to Covorden, Derck van Huesswerden
syn soen ende Johan Arntssoen. In een tuech der waerheit so hebbe ic Johannes Schuttropp priester vorscreven voir my ende myn testa-
mentoers myn segell beneden an desen brieff gehangen. Ende omme die merre vestenisse willen so hevet ons heren Saryss kercher
ende Rutger van Hueswerden Rentmester voirscreven die vorscreven Tielke gebeden want sie selven gheen segell en hevet ende deser
voirworden beliefft ende toegelaten hevet so voirscreven staet dat wy onse segele mede an desen brieff willen hanghen.
Dat wy om oerre bede will ende gebreck oers segels gedaen hebben. Gegeven int jaer onss heren dusent vierhondert
vyffendetsestich snaesten Sondagen naden hilligen Paesschedaghe.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	440
Regestnr.	471
Olim	Arch. Klooster Essen, inv.nr. 16, reg. 59.
Jaar	1465
Datumcode	DpPasche

x

x

Commentaar	Met de zegels van Johannes Scuttorp, Saryss, kerkheer te Borger, en Rutger van Hueswerden, rentmeester te Coevorden

x

Materiaal	perkament