Burgemeesters en raad te Groningen verklaren dat de buren van Helpman, met name genoemd, bij stoklegging hebben overgedragen aan Johan Rengers Scaffers de Ossenvenne en de Bevemaet, uitgezonderd de grazinge die hij reeds had in Helpmer hamrik.

Wy borgermestere ende Raed in Groningen betugen myt dessen openen breve dat voer ons sint gekomen die Eygenervde
buren to Helpman gelandet ende bekanden voer ons dat sie hebben upgedragen ende overgegeven voer em ende oere naeko-
melingen Johan Rengers Scaffers ende sinen erffgenamen ewliken ende erffliken die Ossen venne ende die Bevemaet in
affkortinge synre grasinge die hie hevet liggende in Helpmer hemmeric. Also dat men desse twe stucken sal
meeten wes sie uut brengen van grasetal dat salmen Johan vorscreven korten in sine grasingen die Johan vorscreven dair
hevet grass voer grass. Ende hiir hebben desse vorscreven buren Johan vorscreven stocklegginge van gedaen als landrecht
is inden gerichte van Selwert voer den buren hiir nabescreven, hiir overgenomen als Johan Ludekens, Grote Albert,
Ludeken Kremer, Egbert Kremer, Henric Kremer, Garloff, Johan Galtekens, Diric Wessels, Jacop, Johan Ludekens,
broder Diric Kremer, Henric Bolens ende meer gueder lude genoech sunder argelist. Dat orkonde wy myt
onsen stad zegell. Ghegeven inden jair ons heren dusent vierhundert eenendetsoventich des zoendages voir sunte Johans
baptisten dage doe Ulgar van Nortdijcke, Gosen van Dulk, Johan Rengers Scaffers ende Sweder Kater borgermestere waeren
onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	136
Regestnr.	538
Olim	Arch. Klooster Essen, inv.nr. 4, reg. 62. Reg. Feith 1471.21.
Jaar	1471
Datumcode	DaNatJoh

x

x

x

Materiaal	perkament

x