Burgemeesters en raad te Gronyngen verklaren dat Elteke, weduwe van Remmer te Berum, heeft verkocht aan Ebbe Sluchtynge alle dijken en uiterdijken te Berum, behorende bij 32 grazen land en twee huissteden.

Wy borgermesteren ende raed in Gronyngen betugen myt desen openen
breve dat voer ons is gecomen Elteke zalyge Remmers weduwe
toe Berum ende bekande voer oer ende oren eerffgenamen dat se hevet
verkoeft upgedragen ende overgegeven Ebbe Sluchtynge ende syne
eerffgenamen alsoe vole dijkes ende uterdijkes als daer vallen
mach toe ewygen daegen up twe en dartijch grase landes
ende up twe huusswarve gelegen toe Berum Ende wert sake
dat Elteke vorscr. offte ore kynderen meer uuterdijkes hadden
ofte dat Ebbe vorscr. van ore weghen in wynnen mochte de
sal oeck Ebbens wesen vry ende quijt ewelick ende eerfflick
myt al synen toe behoer toe bruken ende toe besytten voer
ene summe geldes de Elteke vorscr. bekande dat oer vul ende
all is betaelt men Elteke vorscr. ende ore eerffgenamen sollen be-
holden soe voele eerde up den vorscr. uterdijck sat de den
dijck vorscr. daer mede maken moeghen toe ewigen daegen
sunder argelijst dat Orkunde wy myt onser stad zegel
Gegeven inden iaer ons heren dusent wijr hundert ende twe-
ensoventich des vrijdaeges voer Pinxteren doe Harmen
Koninck, Johan Rengers Scaffers, Johan Tedema ende Johan Konrades
borgermestere weren onsser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	2
Fol.nr.	fol. 16r
Regestnr.	549
Olim	Losse kloosterstukken, inv.nr. 1, reg. 29.
Jaar	1472
Datumcode	VaPentec

x

x

Materiaal	perkament