Clawes Ruemhand verklaart te hebben verkocht aan Luytyen Sywens en Johan Wolters 13 akkers land, gelegen op de Haar.

Ick Clawes Ruemhand bekenne ende betuge mit dessen openen breve dat ick voer my ende myne erffgen. hebbe
verkoft upghedragen ende overgegeven Luytyen Sywens, ende Johan Wolters ende oren erffgen. dartijn ackeren landes
so de nu ter tijt ghelegen sint up der haer mit al horen to behoren daer Johan ende Hermen Grijp ghebroders naest
by ghelandet sint up de wester ijd ende Sywe to Dosum up de oester zijd vry ende quijt erffliken ende ewliken
mit allen rechte ende eygendome to bruken ende to besitten voer ene summe gheldes de ick Clawes vorsc. bekenne
dat my vul ende all is betaelt sunder argelist In Orkunde der waerheit want ick Clawes vorsc. gheen segel
en bruke so heb ick ghebeden den Ersamen Johan Grijp nu ter tijt greetman des landes Vredewolt dessen breff
voer my ende over my wille besegelen So heb ick Johan greetman vorsc. om Clawes vorsc. bede wille onse mene
landes segel an dessen breff ghehangen Ghegeven inden jaer ons heren dusent vierhundert sovenendetsoventich
des maendages voer sunte Johannes dach to Mydzomer.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	436
Regestnr.	616
Olim	Reg. Feith 1477.16.
Jaar	1477
Datumcode	LaNatJoh

x

x

x

Commentaar	Met het zegel van het landschap Vredewold

x

Materiaal	perkament