Dirck Cloet, pastoor te Gieten, en Albert Wiltynge te Ees verklaren dat zij bemiddeld hebben in het geschil tussen Herman Wiltynge en Johan Egberts, schulte te Borger, waarbij is bepaald dat Herman aan Johan heeft verkocht een kwart van Nije Wiltynge goed in de marke van Ees, uitgezonderd de Haghenacker, de akker op de Hesselwech en een stuk land, genaamd het Lijnstucke.

Wy heer Dirck Cloet inder tyt curet to Geten ende Albert Wiltynge to Ees bekennen bekennen [sic] myt dessen apenen breve dat wy hebben
gededynget stader vaster dedynge tusschen Herman Wiltynge to Ees ande ene syt ende Johan Egberts schulte to Borger ande ander
syt. So hebb wy gededynget dat Herman voirscreven hevet verkoft voer em ende syne erfgenamen Johanne Egberts vorscreven een verendeel gudes an Nye
Wiltyngen guede to Ees myt huess, hoff, waer, schaer, sant, lant ende al alsulck gued als Harman vorscreven an ghearvet is inder marke
van Ees ende onder der clocken van Borgher van synen saligen vader ende Yummen Wiltynge syner olde moder welkeren God ghenade myt
tilber guede ende erfachtich voer ene summe van gelde als voer neghenendevertich gulden den gulden to betalen myt vijftyn krumsterten
off myt paymente dat daer guet voer is und welkeer gued Harman vorscreven voer em ende syne erfgenamen Johanne ende synen erfgenamen
sal vry waeren vor all de ghene de daer op spreken moegen myt rechte sunder argelist. Uutghesproken herenpacht ende kerken-
recht ende twe ackers de Herman vorscreven hevet ghegeven to boele Wibben syner suster vanden verendeel voirscreven. De ene acker vor-
screven is geheten de Haghenacker ende de ander op den Hesell wech unde een stucke op den Noert esch gheheten dat Lynstuc-
ke dat Johan de schulte vorscreven selven hefft daer Hermans betalynge sall mede wesen onbecortet ende een halff mudde rog-
ghen dat de kercher to Borger hevet over Nye Wiltynge Wiltynge [sic] guet ende over Olde Wiltynge ende over de twe Huzynghe to
Ees syn andeel daer an onbekortet anden gelde ende noch een halff mudde dat betalen Nye Wiltyngen allene Henrike Ha-
meringhe dat gelt oeck onbekortet als voirscreven is ende is des uutghegaen als lantrecht in Drenthe. Ende heft Johanne vorscreven
den stock ghelecht van den gude voirscreven vor arffachtige bueren to Ees als Albert Wiltynge, Johan Huzinge ende meer wynko-
pes lude ghenoech. In oirkonde want dit aldus is gescheen so hebb wy Theodericus cureit vorscreven ende Albert Wiltyn-
ge ghebeden Alberde Prandingen dessen breeff voer ons to bezegelen want wy zelven gheen segell en bruken. Ende
so heb ic Albert vorscreven om bede willen desser twyer vorscreven myn zegel beneden an dessen breeff gehanghen inden jaer
ons heren duzent veerhundert ende sevenendetseventich op sunte Wilbrordus avent episcopi etcetera.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	99
Regestnr.	621
Olim	Arch. Klooster Essen, inv.nr. 2, reg. 69. Reg. Feith 1477.23.
Jaar	1477
Datumcode	vWilleb

x

x

x

Materiaal	perkament

x