Albert Heppinghe Lulofs zoon verklaart dat hij volgens uitspraak van de etten onder stoklegging afstand heeft gedaan van Heppinghe-erve te Aelden, die met algemeen beslag gelegd is, ten gunste van het Olde Convent voor de aan het convent toekomende mudden, omdat hij zijn verplichtingen niet meer na kan komen.

Ic Albert Heppinge Lulofssoen Make kond allen Luden Also myn Erve ende guet gehieten Heppinge toe Alden seer verpachtet
ende vermuddet was dat ic dat ligghen liet grassvellich voir die pacht ende stede mudde want ic die niet betalen en konde
welk Erve die geestlike magede to Gronyngen angetastet hebben voir oer mudden ende voer die andere mudden die daer meer
to voeren wtghaen daer sie Rechte van gehat hebben Ende die droste mytden Etten sie daer In gewyst hebben So bekenne
ic voir my ende voir myne erfgenamen dat Ic noch myne ergenamen nu noch nummer meer beth Ansprake recht noch toesaghe tot
den vorscr. Erve hebben noch beholden en sullen Ende die geestlike magede voirscr. dat selve Erve erffliken ende eweliken besitten
ende gebruken moighen myt alle synen toebehoeren ackeren maden broeke ende waerschapp niet wtbescheiden Als Ic dat van
Johan Heppinge mynen broeder gecofft ende ontfanghen hadde Ende sodane stockleggen als van des gerichtes weghen daer
van gedaen is nae wtwysinge der Rechtbreve Ende die wysinge daer van gewyst is die love ic tot ewighen daghen
sonder wederseggen voir my ende voir myne erfgenamen stede vast ende onverbrecklick te holden SOnder all Argelist Ende
hier over hebbe ic toe tughe genomen Sweder Hammens Clawes Darenynge Egbert Heppinge Johan Benynge ende meer gueder
lude genoech in een tuech der waerheit so hebbe Ic Albert Heppinge voirscr. gebeden Johan Benynge voirscr. desen brieff
voir my ende voir myne erfgenamen toe besegelen want Ic selven ghien segell en gebruke Ende Ic Johan Benynge vorscr. om bede
willen Alberds voirscr. So hebbe ic myn segell beneden aen desen brieff gehanghen Gegeven inden Jaer onss heren
dusent vierhonderttweendetachtentich Opp Sancte Matheus Avent Apostoli et evangeliste.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	368
Regestnr.	682
Olim	Arch. Olde Convent, inv.nr. 59, reg. 66. Reg. Feith 1482.18.
Jaar	1482
Datumcode	vMatthe

x

x

Commentaar	Met het zegel van Johan Benynge

x

Materiaal	perkament