Ffocke Rengers ten Poste oorkondt dat hij heeft verkocht aan de ministerse en de gemene zusters van het Olde Convent in Groningen 35 1/2 grazen land, behorende tot Haige Ailardeheert en gelegen in het kerspel Loppersum, bedoeld in de hierbij getransfigeerde akte.

Ick Ffocke Rengers ten Poste bekenne myt dessen openen breve ende belije dat ick hebbe
verkofft upgedragen ende overgegeven voir my ende myne erffgenamen ewelik ende erfflick den pater
ministersche ende ghemen susters des huses ten olden convente offte ten geestliken mageden bynnen Gro-
ningen tot behoeff des vorscr. conventes die sessendedartichstehalff grass landes daer dat instrument
van spreket daer desse breeff doer ghetogen is welck instrument concordeert van woerde to woerden
myt den principael besegelden breve den ick daer up hebbe to bruken ende to besitten ewelick ende
arfflick ende oeren vrijen willen daer mede to doen voer ene summe gheldes die my vul ende all is betaelt
sunder argelist Welke vorscr. sessendedartichste half grass landes synt ghelegen inden karspell van
Loppersum in Haige Ailarde heert alst Obele Aylardes vorscr. soene nu ter tijt is brukende unver-
scheiden Dat orkunde ick Focke vorscr. myt mijn eghel seghell beneden an dessen breeff
ghehangen doer dat instrument ghetoghen Ghegeven int jaer uns heren dusent vierhundert
tweentachtentich up des hilghen dach Luce ewangeliste.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	375
Regestnr.	688
Olim	Arch. Olde Convent, inv.nr. 66, reg. 69.
Jaar	1482
Datumcode	Luce

x

x

x

Commentaar	Met het zegel van Focke Rengers

x

Materiaal	perkament