Bevo Mensma, pastoor te Godlynse, optredende voor Syabbe Everdes te Godlynse, gevolmachtigde van zijn broer Luleff, en Gerardus Johannis, pastoor te Crewert, optredend voor abt Harmen en het klooster te Feldwert, scheidsrechters in een geschil over de toetreding van zuster Hidde, verklaren te hebben bepaald dat Hidde in het convent zal worden opgenomen en dat het convent zal hebben 9 1/2 grazen land in Lesdorper hamrik ten zuiden van de weg naar het klooster, alsmede de helft van een jaarlijkse rente, groot zes arnhemse guldens, waarmee Hidde zal zijn uitgeboedeld.

Wy Bevo Mensma cureet toe Godlynse van Syabbe Everdes soens
weghen toe Godlynse vulmechtijch Luleffs synes broders up de enen
Gerardus Iohannis cureet toe Crewert Als van weghen des eerwerdighen
in gode vaders ende heren heer Harmen Abbet ende synen cloester toe Ffeldwert
up de andere zijden betughen in des en openen breve woe dat wy als
eentlike ghekoren dedinges luden in der schelynge de daer was tusschen
dessen vorscr. parten Als van den cloester ganck Hidden des vorscr. Syab-
ben ende Luloffs suster by consente ende toe doen des Eerbaren vorsenyghen
Egghert Ripperda hofflinck toe Godlijnse als een onse over man hebben
ghededijnget gemaeket ende in frunscappen uut ghesproken by toedoen
der beider parten dat de Abt ende dat convent de vorscr. Hidden voer
ene suster sullen ontfanghen ende holden Ende dat de Abt ende dat
convent myt oer toe vulste sal hebben om inden cloester toe bliven
tijende halff grasslandes gelegen manck ende in des vorscr. conventes
lande in Lesdorper hammerick an de zuder zijde des weghes de daer
vanden convente strecket nae Lesdorpe daer de karke van Lesdorpe
ende Rener Eppens beide ende elck hebben ses grase landes by der norder
wester zijde ter naester zwetten liggende vrij quijt ende veerdich toe
ewighen daeghen toe hebben ende toe bruken toe des convents nutte ende
orbaer Item bet soe sollen do Abbet ehde dat convente oeck hebn ende holden
myt Hidden vorscr. de helfte van de ses arems iaerliker eerffrenten
de den abbet ende den convente over wiset synt myt breff ende zegel
daer se an toe vreden synt In sulken manyren dat Syabbo de ander
helfte der ses arens gulden sal boren renthe al went ter tijt dat Hidda voer
een suster sal gecledet worden Ende dan sollen de abbet ende dat convent
oer cleder bykostigen ende maeken laeten ende de cledynghe up staen Ende
de naeste vrende daer toe bidden laten buten Syabben ende syns broders
scaeden Ende daer sal dan na de Abbet ehde dat convent de vorscr. ses arens gulden
renthe allene vrij ende veerdich toe ewigen daegen boeren ende hebben myt soe-
danen vorwerden dat de vorscr. Hidda myt dessen lande ende renthe vorscr.
ewelick ende eerfflick van vaders moders broderen ende suster eerffnyssen
ende guede sal aff ghewyset ende off ghedeelt wesen toe ewigen daege
Ende gene erffnysse daer van toe boren ende toe eeschen Ten were sake
dat se verstorve dat se de naeste wer toe der eerffnysse van rechte
welke uutsprake de beyde parten an nemen stede ende vast toe holden
toe ewigen daegen daer by over ende an mede weren Willem
Berners toe Godlijnse ende Johan Peter mans soen Sunder alle
argelijst Dat oekunde wy Bewo ende Gerardus cureten ende
seggeslude vorscr. myt unsen zegelen um bede willen der
beider vorscr. parten an dessen breff ghehangen Ghegeven inden
jaere ons heren dusent vierhundert neghentachtentich up sunte
Agneten daege virginis.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	2
Fol.nr.	fol. 35v
Regestnr.	766
Olim	Losse kloosterstukken, inv.nr. 1, reg. 54. Reg. Feith 1489.15.
Jaar	1489
Datumcode	Agneti

x

x

x

Materiaal	perkament