Wylm Wastel, prior, broeder Nicolaus, baccalarius in de heilige schrift, Henrick Backer, subprior, Albert Casse, senior, met toestemming van broeder Albert Scultinges, vicaris, en de gemene conventualen van Wynsum, verklaren verkocht te hebben aan de commandeur en het convent van Wijtwert een wierde land te Watwert, groot zeven forlingen en zes roeden, en anderhalve juk en veertien roeden land, geheten in de Suryngen, begrensd ten zuiden en ten noorden door een noodweg.

Wy broder Wylm Wastel pryor des conventes to Wynsum broder Nicolaus van Ceten bacularius in der hilligher scrift broder Hinrick Backer suppryor broder Albert
Casse senior myt consent broder Albert Scultinges nu tor tyt unse vicarius unde unser ghemenen conventualen bekennen ende betughen in dessen openen breve voer ons
unde unsen nakomelingen dat wy myt voerberaet unde sonderlinge noettroft unde orber als umme weder in to lossen ende vry to maken lande ende gudere als wy in
voertyde hadden uutghesat, hebben vorcoft ende in craft desses breves ewelick ende erfflick vry wuijt unde verdich myt allen eghendom als myt dyck dam
ende uuterdijck unde allen to behoer vorcopen in enen vasten erffkope demen ersamen commenduer unde convente van Wytwert unde oeren nakomelingen ene wijrde
liggende to Watwert van seven forlingen unde ses roeden dubbelt gherekent daer dat convent van Wytwert vorsc. sulven op de noerder unde zuder zyde
unde wester eynde synt ghelandet tor swette de ersame vrow Emeka Tammynge op dat oester eynde tor swette Item beth eyn stucke landes van ander
halff juck unde veerteyn roeden gheheten in de myngen op dat zuder ende noerder eynde eyn notwech dat convent van Wytwert van broder Ludekens
weghenen op de oester zydt unde Brunneko Rypkama op de wester zydt voer ene summe van ghelde de uns vorsc. conventesluden van Wynsum vul ende al is
betaelt van den convente to Wytwert den eersten penninck mytten lesten woer umme wy vorsc. conventualen van Wynsum draghen op unde gheven over erfflick
unde ewelick demen convente van Wytwert dat vorsc. lant voer und unde unsen nakomelingen em unde oeren nakomelingen to ewyghen daghen nummer
ghene ansprake daer op to hebbenen wy off yemant van unser weghenen unde moghen daer umme dat vorsc. lant na oeren willen sonder unsen straffen
vry besitten bruken vorhuren vorwesselen vorcopen unde al oeren willen daer mede doen woe dat demen convente van Wytwert belevet sonder arghelist
In oerkunde ende vestenisse desser waerheit hebben wy broder Wylm pryor vorsc. unde ghemene convent van Wynsum vorsc. unse conventes seghel beneden
an dessen breeff ghehangen In den yaer unses heren dusent veerhondert unde tneghentich des maendages in der vasten na der dominiken (dmken.) Reminiscere.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	296
Regestnr.	783
Olim	Arch. Klooster Wijtwerd, inv.nr. 20, reg. 99. Reg. Feith 1490.17.
Jaar	1490
Datumcode	LpRemini

x

x

Commentaar	Met het conventszegel van Winsum

x

Materiaal	perkament