Albert Wiltynge, Willem Hilbynge en Johan Verynge verklaren dat zij bemiddeld hebben tussen Arent Campynge enerzijds en Aleit Huddekynge met haar twee zoons Roleff en Johan anderzijds, waarbij laatstgenoemden hebben verkocht en bij stoklegging overgedragen aan Arent Campynge en zijn vrouw Herman Huddekyngeguet en -erve in de marke van Ees.

Wy Albert Wiltynge, Willem Hilbynge, Johan Verynge bekenne ende betuge myt dessen openen breve als
dedyngeslude dat wi hebben gededynget tusschen Arent Campynge ende Aleit Huddekynge ende oer II soens als
Roleff ende Johan. Also hebbe wy gededynget dat Aleit ende oer soens hebben verkoft Arent Campynge ende Her-
man syn huesfrou Huddekynge guet ende arve to Ees so guet ende quaet als dat gelegen is inden marke to
Ees ende onder der clocken van Borger vor eyn sum van gelde den Aleit ende oer II soens al wal betaelt is
de leste penninck mytten eersten ende danckeden Arende Campynge guder betalynge. Vort meer so bekenne
wy Lambert Husynge ende Albert Wiltynge als erfachtige buer to Ees in dessen selven breve dat em Aleit
Huddekynge ende Roleff ende Johan oer II soens vorscreven hebben Arende Campynge vorscreven daer den stock van gelecht
als lant recht is inden lande van Drenthe ende synt dat vorscreven guet off gegaen ende deden daer eynpertelike ver-
tichnisse van ende wolden daer nummer bet op spreken to genen tyden ende wolden Arende dat vorscreven guet waeren vor
al de gene de des to rechte komen willen sunder al argelyst. Des to orkunde ende tuech der warheit want
dit aldus in allen maneren gescheen is sso hebbe wy dedynges lude ende bueren vorscreven gebeden eynperteliken den eerberen
Eersamen Reynalt den Mepschen dessen breeff over ons to besegelen sso hebbe ick Reynalt Mepsche vorscreven
omme bede willen dessen gueder manne vorscreven mynen segel beneden an dessen breeff gehangen. Gegeven in
den jaer ons heren dusent veerhundert veer ent neghentijch op sunte Poncianus dach na mydd wynter.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	105
Regestnr.	822
Olim	Arch. Klooster Essen, inv.nr. 2, reg. 107. Reg. Feith 1494.38.
Jaar	1494
Datumcode	Pontia

x

x

x

Materiaal	perkament

x