Burgemeesters en raad te Groenynghen verklaren dat Popke te Cleywert en diens vrouw Lamme hebben verkocht aan abt Gheert en het convent te Selwert een jaarlijkse rente, groot drie gouden rijnse guldens, gaande uit zijn deel van de heerd en het land met toebehoren te Cleywert in het kerspel Dorquart, welke rente kan worden afgekocht met vijftig gouden rijnse guldens, waarbij wordt bepaald dat Popeke en Lamme het bedoelde land niet zullen verkopen of bezwaren met enige rente zonder instemming van genoemde abt en convent.

Vy Borgemeystere ende Raed in Groenynghen betugen myt dessen openen breve
dat voer ons synt ghecomen Popke toe Cleywert ende Lamme syn echte huusvrouwe
ende beoanden voer em ende oren erfgenamen dat sie hebn vercoft op ghedragen ende over
ghegeven den eersamen heren Gheert abt ende convent toe Selwert ende oren naeco-
melingen toe behoef des convents voerscr. drie golden overlandsch rynsch gulden
iaerliker erfliker renten voer datum des brieves ghemuntet ende anders
gheen ghelt iaerlix toe vrymarket toe betalen of scadeloes ghelt myt botbreven
in toe manen Toe boren ende toe manen uut syn part van den heerde ende lande
myt alle syn toe behoren gheleghen toe Cleywert in den karspel toe Dor-
quart daert convent vorgen, mede in ghelandet is onverscheyden In den heerde
vorgen. vry erffliken daer uut toe waren Voer een somme gheldes die Popke ende Lamme vorscr.
becanden dat em vol ende al betaelt is Hijr is toe ghesproken dat Popke ende Lam-
me voerscr. offte horen erfgenamen dese vorscr. drie rynsgulden renten moeghen
weder af vry ende quyt copen toe alien tijden wanneer em des ghenoeghet myt
vjjftich golden overlandsche rynsch gulden voer datum des breves ghemuntet ende
myt anders ghenen gelde ende myt voller rente Voert synt vorwarden dat Popeke
ende Lamme voerscr. off ore erfghenamen dyt voerscr. land niet vercopen soelen noch
vorder niet en soelen belastighen myt enighen renten ten sy by consente des Abtes
ende conventes voerscr. sender argelist. Dat orkunde wy myt onse stadzegel Ghe-
gheven in den iaer ons heren Duusent vierhondert soeven ende tneghentich des
wondesdages nae Sunte Lambert Doe Garmt Allema Coppyn larghes Her
men Leeu Johan Schaffer Borghemeystere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 025r
Regestnr.	853
Olim	Arch. Klooster Selwerd, inv.nr. 1, reg. 424.
Jaar	1497
Datumcode	EpLamber

x

x

Materiaal	perkament