Albert Rolteman oorkondt dat het convent van Selwert ingevolge het testament van zijn vader jaarlijks een rente, groot drie arnhemse guldens, toekomt, gaande uit al zijn goederen, welke rente hij te allen tijde kan afkopen met vijftig arnhemse guldens.

Ick Albert Rolteman bekenne mijn here van Selwert mit sijn convente dre
arnems gulden renten welcke dat convent manen moegen over al mijn guet
mit wat rechte hem des genoeget tyn stuvers vor den gulden off vijff groninger
jaegers vor den gulden gerekent. Desse rente is verschenen toe Midwinter
naestcomende. Ende voert sal mijn here ende dat convent tot allen tijden oer ren-
te des Midwinters manen voert sint mede vorwarden dat Albert Rolteman
mach aff lossen mit die volle rente die dre arnems gulden mit vijfftich ar-
nems gulden tyn groningen stuvers vor den gulden off vijff groningen jaegers vor
den gulden tot allen Midwinter. Desse vors. rent settet Albert Rolteman als
van testaments wegen sijns saligen vaders. Oeck sint mede vorwarden offte des-
se rente langer stonde dan dre jaren ende dan desse brieff dat convent niet ge-
noech en were soe mach dat convent daer een stad brieff opp maken laten
tot horen willen nae inholt desses breves. Gescreven mit mijn selves hand ende
mit mijns selves zegel bezegelt in den jaer van twe ende tnegentich des don-
redaechs nae sunte Margareten.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 051v
Regestnr.	860
Olim	Arch. Klooster Selwerd, inv.nr. 1, reg. 428.
Jaar	1492
Datumcode	JpMargar

x

x

Materiaal	perkament