Burgemeesters en raad te Groeningen verklaren dat Hincke te Cleywert heeft verkocht aan abt Gheert en het convent te Selwert vier grazen land in het Dorquarder kerspel, begrensd ten westen door het Brundekummaer, welk land hij van zijn vader Pape toe Cleywert "toe boedele" heeft ontvangen.

Wy Borghemeystere ende Eaet in Groeningen betughen myt dessen
openen brieve dat voer ons is ghecomen Hincke toe Cleywert ende becande
voer em ende sijnen erfgenamen dat hie hevet vercoft opghedraghen ende overghegeven Den eer
samen heren Gheerde Abt ende convent toe Selwert toe behoef des convents voerscr. ende oren
naecomelingen veer grasen landes gheleghen toe Cleywert in Dorquarder karspel
daer dat convent voerscr, selven naest by ghelandet is synt op die noerder ende zuuder
aide treckende mitten eester eynde an Haye Weghens lant ende myt dat wester eynde
an Brundekummaer soe als Pape toe Cleywert Hinckens vorscr, vader em dat mede vry
toe boedele ghegheven hevet als Pape voerscr. selven voer ons becande erfliken ende
eweliken vry ende quyt toe broken ende toe besitten voer een somme gheldes die Hincke
vorscr. becande dat hem vol ende al betaelt is sender arghelist Dat orkunde wy myt
onse stad segel In den iaer ons heren Duusent vierhondert ende neghen ende tne-
ghentich des saterdaghes voer Sunte Ponciaen doe Garmet Allema Tese Jatghes
Hermen Leuw Johan Schaffer borghemeystere weren onser stad.
[in beneden marge, f. 20r m.a.h.: Desse breiff sal staen by ende naest Jacob Bruns in Papenlant quere infra D XVII.]

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 020v
Regestnr.	867
Olim	Arch. Klooster Selwerd, inv.nr. 1, reg. 433.
Jaar	1499
Datumcode	SaPontia

x

x

Materiaal	perkament